स्टार प्रवाह वाहिनीवरील ‘आई कुठे काय करते?’ ही मालिका गेली काही वर्ष प्रेक्षकांचे मनोरंजन करत आहे. मालिकेतील सर्व पात्र प्रेक्षकांच्या आवडीची आहेत. त्यात अरुंधती हे पात्र तर प्रेक्षकांच्या विशेष पसंतीस उतरलं. मालिकेत अरुंधती ही भूमिका साकारणारी अभिनेत्री मधुराणी प्रभुलकर ही सोशल मीडियाद्वारे चाहत्यांच्या नेहमीच संपर्कात राहते. अशातच आता तिने शेअर केलेल्या एका पोस्टमुळे ती चर्चेत आली आहे. मधुराणीने तिचा संपूर्ण लूकच बदलला आहे. (Actress Madhurani Prabhulkar Shared Her New Haircut Photo On Instagram)
मधुराणीने तिच्या इन्स्टाग्राम अकाऊंटद्वारे एक फोटो शेअर केला आहे. तिने शेअर केलेला हा फोटो चाहत्यांचे लक्ष वेधून घेत आहे. या फोटोमध्ये तिचा नवीन हेअर कटमधील सुंदर लूक पाहायला मिळत आहे. हा फोटो शेअर करत तिने ‘न्यू हेअर कट’ असं कॅप्शन दिलं आहे आणि त्याखाली ‘स्माईल तो बनता है” असंदेखील म्हटलं आहे. दरम्यान तिच्या या लूकवर नेटकऱ्यांनी कमेंट्स करत प्रतिक्रिया दिल्या आहेत.
आणखी वाचा – लोहगडावर पोहोचले ‘आई कुठे काय करते?’ फेम मिलींद गवळी, फोटो पोस्ट करत म्हणाले, “माझा कुत्राही गड चढला अन्…”
मालिकेत अरुंधतीचा लूक हा अतिशय साधा आहे. साधी सहावारी साडी आणि त्यावर साधीच वेणी असा सिंपल लूक मालिकेत प्रेक्षकांना पाहायला मिळतो. अर्थात हा लूकदेखील चाहत्यांना आवडतोच. पण आपल्या आवडत्या कलाकाराने एखादी नवीन गोष्ट केली तर तीदेखील प्रेक्षकांच्या पसंतीस पडते.
मधुराणीचा हा लूक चाहत्यांसह गायक-संगीतकार सलील कुलकर्णी व अभिनेत्री सुकन्या मोने या कलाकारांनादेखील आवडला असल्याचे पाहायला मिळत आहे. सुकन्या यांनी या फोटोवर “खूप गोड दिसत आहेस” असं म्हणत तिचे कौतुकदेखील केले आहे. तर नेटकऱ्यांनीही “गोड, खूपच सुंदर, “छान दिसतेस मधुराणी, ‘आई कुठे काय करते’मध्ये पण हाच लूक दाखवला पाहिजे” अशा कमेंट्स करत तिच्या या लूकचं कौतुक केलं आहे.
