Who Is Hina Khan Husband : टेलिव्हिजनवरील लोकप्रिय अभिनेत्री हिना खान तिच्या लग्नामुळे चर्चेत आली आहे. स्तनाच्या कर्करोगाने झगडत असलेल्या अभिनेत्रीने तिचा बॉयफ्रेंड रॉकी जयस्वालबरोबर नोंदणी पद्धतीने लग्न केले. गेली १३ वर्षे हिना व रॉकी एकमेकांना डेट करत आहेत. हिनाला स्तनाचा कर्करोग झाला या कठीण काळातही रॉकी तिच्याबरोबर कायम होता. उपचारादरम्यान काळजी घेतानाचे त्यांचे अनेक फोटो सोशल मीडियावर पाहायलाही मिळाले. हिना आणि रॉकीच्या लग्नाचे फोटोही समोर आले आहेत आणि आता चाहत्यांना अभिनेत्रीच्या नवऱ्याबद्दल जाणून घेण्याची उत्सुकता लागून राहिली आहे. रॉकी जयस्वाल कोण आहे, याबाबत आता आपण सविस्तर जाणून घेणार आहोत…
२०१२ पासून हिना खान आणि रॉकी जयस्वाल एकत्र आहेत. हिनाने बर्याचदा बर्याच प्रसंगी तिचे रॉकीसह फोटो शेअर केले आहेत. स्तनाच्या कर्करोगाशी झुंज देताना रॉकीने तिची काळजी कशी घेतली, अभिनेत्रीने याची झलक फोटो आणि व्हिडीओद्वारे दाखविली आहे. आता १३ वर्षांच्या नात्यानंतर, दोघांनी ४ जून रोजी लग्न केले. त्यांच्या अचानक समोर आलेल्या लग्नाच्या फोटोंनी अनेकांना सुखद धक्का बसला. हिना खान मुस्लिम कुटुंबातून असून तिचा नवरा रॉकी जयस्वाल हिंदू आहे. पश्चिम बंगालच्या कोलकाता येथे १४ फेब्रुवारी १९८९ रोजी त्याचा जन्म झाला. रॉकी बन्या जातीशी संबंधित आहे. त्याने सेंट्रल कॉलेजिएट स्कूलमधून आपले शिक्षण घेतले आणि नंतर कलकत्ता विद्यापीठातून पुढील शिक्षण पूर्ण केले. रॉकीला निराजा, नीलम आणि रॉय जयस्वाल नावाच्या तीन बहिणी आहेत.
आणखी वाचा – ‘शिवा’ मालिकेतील एकाचवेळी दोन कलाकारांच्या एक्झिट, भावुक पोस्ट शेअर करत सांगितलं कारण, म्हणाले…
हिना खानचा नवरा काय करतो?
रॉकी जयस्वाल व्यवसायाने चित्रपट निर्माता आहे. त्याचे हीरोज फार बेटर फिल्म्स नावाचे एक प्रॉडक्शन हाऊस आहे. रॉकी जयस्वालच्या प्रॉडक्शन हाऊसच्या अंतर्गत ‘व्हिशलिस्ट’, ‘डोरमॅन’ आणि ‘लाईन्स’ सारखे चित्रपट बनविले गेले आहेत. रॉकीने ‘ससुरल सिमर का’, ‘अग्निपरीक्षा’ आणि ‘जीवा की: गंगा’ मध्ये कार्यकारी निर्माता म्हणून काम केले आहे. त्याच वेळी, त्यांनी ‘ये रिश्ता क्या केहलता है’, ‘साथ निभाना साथिया’ आणि ‘कुछ तो लोग कहेंगे’ मध्ये सुपरवायझिंग निर्माता म्हणून काम केले.
आणखी वाचा – कोट्यवधी कमावतात तरीही कलाकार भाड्याच्या घरात का राहतात?, कारण ऐकून व्हाल थक्क, जाणून घ्या…
रॉकी आपला कपड्यांचा ब्रँड देखील चालवितो जो संपूर्ण भारतात वितरित केला जातो. स्टार्स अनफोल्डेडच्या अहवालानुसार रॉकी दरवर्षी सुमारे ६०-७० लाख रुपये कमावतो आणि त्याच्याकडे ६ ते ७ कोटींची मालमत्ता आहे.
