Ram Charan Welcomed Twins Baby : दाक्षिणात्य चित्रपटसृष्टीतील लोकप्रिय अभिनेता राम चरण पुन्हा एकदा चर्चेत आला आहे. कारण यावेळी त्याच्या चित्रपटामुळे नव्हे, तर वैयक्तिक आयुष्यातील एका आनंदाच्या बातमीमुळे आहे. राम चरण आणि त्याची पत्नी उपासना कामिनेनी यांनी जुळ्या बाळांचं स्वागत केलं आहे. त्यांच्या कुटुंबात आनंदाचं वातावरण आलं आहे. ही आनंदाची बातमी सर्वप्रथम राम चरणचे वडील आणि दाक्षिणात्य चित्रपटसृष्टीतील मेगास्टार चिरंजीवी यांनी सोशल मीडियाच्या माध्यमातून चाहत्यांपर्यंत पोहोचवली.
राम चरण आणि उपासना यांचा विवाह २०१२ साली पार पडला. लग्नानंतर जवळपास अकरा वर्षांनी, २० जून २०२३ रोजी उपासनाने गोंडस मुलीला जन्म दिला. तिचं नाव ‘क्लिन कारा कोनिडेला’ असं ठेवण्यात आलं. आता त्यांच्या आयुष्यात पुन्हा एकदा नव्या आनंदाची भर पडली आहे. दुसऱ्यांदा आई-बाबा झालेल्या या जोडप्याला यावेळी जुळी मुलं एक मुलगा आणि एक मुलगी झाली आहेत. हैदराबाद येथील निवासस्थानी आयोजित नामकरण सोहळ्यात राम चरणने आपल्या जुळ्या बाळांची नावं जाहीर केली. मुलाचं नाव ‘शिवराम’ तर मुलीचं नाव ‘अन्वीरा देवी’ असं ठेवण्यात आलं आहे. (Ram Charan Welcomed Twins Baby)
आणखी वाचा – राखीने केली ‘बिग बॉस’च्या प्रॉपर्टीची तोडफोड, सागरची केली कानउघडणी, म्हणाली…
या नावांमागील आध्यात्मिक अर्थ स्पष्ट करताना राम चरणने सांगितलं की, भगवान शिव आणि श्रीराम यांच्या नावांवरून ‘शिवराम’ हे नाव ठेवलं आहे. विशेष म्हणजे त्याचे वडील चिरंजीवी यांचं जन्मनाव ‘शिव शंकर वर प्रसाद’ असल्याने त्यालाही या नावात कौटुंबिक संदर्भ आहे. मुलीचं ‘अन्वीरा देवी’ हे नाव अमर्याद धाडस आणि दैवी स्त्रीशक्तीचं प्रतीक असल्याचं राम चरणने स्पष्ट केलं. ही नावं केवळ ओळख नसून शक्ती, प्रेम आणि धैर्याचं प्रतिनिधित्व करतात, असंही त्याने नमूद केलं. दरम्यान, दुसऱ्यांदा आई झाल्यानंतर उपासनाने प्रतिक्रिया देताना सांगितलं की, बाळांच्या जन्माला अवघा आठवडा झाला असून सध्या ती कुटुंबासोबत हा खास क्षण अनुभवत आहे. तिन्ही मुलांना एकत्र पाहताना तिला अतिशय आनंद होत असल्याचं तिने म्हटलं. राम चरण आणि उपासना यांच्या कुटुंबात सध्या आनंदाची लहर असून चाहत्यांकडूनही या जोडप्यावर शुभेच्छांचा वर्षाव होत आहे. (Ram Charan Welcomed Twins Baby)
आणखी वाचा – कॉमेडीचा बादशाह राजपाल यादवला चेक बाऊन्स प्रकरणात तुरुंगवास! नेमकं प्रकरण काय? आर्थिक व्यवहार पडला महागात
