sanchita ugale suicide : टीव्ही अभिनेत्री संचिता उगले हिच्या आत्महत्या प्रकरणात नवा ट्विस्ट आला आहे. या प्रकरणाचा तपास करणाऱ्या पोलिसांनी आता संचिताचा मोबाईल ताब्यात घेतला आहे. पोलिस फोनमधील चॅट आणि गॅलरी तपासत आहेत. फोनमधून काहीतरी हटवल्याचा संशय असल्याने, फोन फॉरेन्सिकसाठी देखील पाठविला जाईल. अभिनेत्रीच्या वडिलांनीही लेकीच्या मृत्यूनंतर दावा केला आहे. तिचा छळ होत होता आणि तिच्यावर खूप दबाव होता. संचिता उगलेचे वडील मच्छिंद्र उगले यांनी ‘एनडीटीव्ही’ला दिलेल्या मुलाखतीत दावा केला की, काही मागण्यांबाबत त्यांच्या मुलीवर सतत दबाव आणि छळ होत होता. ते म्हणाले, “ती काळजीत होती. खरे कारण तिने कधीच सांगितले नाही, पण ती अनेकदा नाराज व्हायची. तिचा मूड चांगला असल्याचं दिसत असतानाही ती अचानक उदास व्हायची”.
पोलीस सूत्रांनी दिलेल्या माहितीनुसार, संचिता यांच्यावर सहा महिन्यांपासून डिप्रेशनवर उपचार सुरु होते. संचिताच्या डॉक्टरांशी झालेल्या संभाषणाच्या गप्पा पोलिसांना मिळाल्या आहेत. संचिता डिप्रेशनमध्ये का होती, हेही पोलिसांना डॉक्टरांकडून समजणार असून त्या दिशेने पुढील तपास करण्यात येणार आहे.
कुटुंबीयांचा आरोप आहे की, टेलिव्हिजनमध्ये काम करताना संचिता खूप नाराज असायची. संचिता आणि डॉक्टर यांच्यातील गप्पांचे काही चॅट एबीपी माझाला मिळाले आहेत.
संचिता आणि तिच्या डॉक्टरांच्या गप्पा
डॉक्टर- वाईट भविष्य?
संचिता- मला वाटते की मला गंभीर मानसिक समस्या आहे. फोकस खूपच कमी आहे. मला काहीच ऐकू येत नाही आहे.
डॉक्टर- तुम्ही माझ्यासोबत ऑनलाइन सत्र घेऊ शकाल का?
संचिता- अगदी.
डॉक्टर: तुम्ही कधी सुरू करू शकता ते सांगा. तुला पाहिजे तेव्हा आणि तुला बरे वाटत नसेल तेव्हा तू माझ्याशी बोलू शकतेस.
संचिता- मला कधीच बरे वाटत नाही. मी पूर्णपणे हरवून जाते.
आणखी वाचा – सुप्रसिद्ध अभिनेत्रीचं टोकाचं पाऊल, घरीच गळफास घेत आत्महत्या, चित्रपटसृष्टीही हादरली
डॉक्टर- काळजी करू नका, मी तुम्हाला बरे करेल.
संचिता- कधी, ६ महिने झाले. मी खूप भन्नाट वागत आहे. लोक मला घाबरतात.
डॉक्टर- प्रथम आपण आपले सत्र सुरु करावे. त्याआधी मी काही करु शकत नाही. प्रथम आपण ऑनलाइन सत्र घेऊ. मग जेव्हा तुम्हाला आराम असेल तेव्हा समोरासमोर सत्र घ्या. मला तुमच्याबद्दल सर्व तपशील जाणून घ्यायचे आहेत. तुमच्या भूतकाळाबद्दल सर्व काही जाणून घ्यायचे आहे. मग मी तुमच्याशी आत्मविश्वासाने वागू शकेन.
संचिता- मी माझे सर्व पैसे खर्च केले, पण कोणतीही थेरपी काम करत नाही.
डॉक्टर- सकारात्मक राहा. देवावर श्रद्धा ठेवा.
संचिता- माझ्यावर भरवसा नाही.
डॉक्टर : मग तुला माझ्याकडून काय मदत हवी आहे?
संचिता- माहीत नाही, पण पुढे काय काम करते ते पाहू.
डॉक्टर- स्वतःची काळजी घ्या.
संचिता- हो.
