Thalapathy Vijay rally accident man death: थलपती विजयचा तामिळ सिनेसृष्टीसह संपूर्ण भारतात चाहतावर्ग आहे. त्याची केवळ एक झलक पाहण्यासाठी लोक असंख्य गर्दी करतात. दरम्यान विजयाने आता सिनेसृष्टीतून निवृत्ती घेऊन राजकारणात पदार्पण केलं आहे. मात्र राजकारणात प्रवेश केल्यानंतर विजयच्या अडचणी काही संपताना दिसतं नाहीत. काही दिवसांपूर्वीच करूर येथील चेंगराचेंगरीत ४१ नागरिकांचा मृत्यू झाल्याची घटना घडली. अशातच पुन्हा एकदा ही घटना घडल्याचं समोर आलं आहे. तमिळनाडू येथील सेलमच्या रॅलीत महाराष्ट्रातील ३७ वर्षीय तरुणाचा मृत्यू झाला आहे.
मिळालेल्या माहितीनुसार, तामिळनाडूतील सेलम येथे रॅलीचे आयोजन करण्यात आले होते. सुपरस्टार विजयने या रॅलीसाठी हजेरी लावली होती. यावेळी सूरज या तरुणाचा मृत्यू झाला. सूरजचा हृदयविकाराच्या झटक्याने मृत्यू झाल्याची माहिती पोलिसांनी दिली आहे. रॅलीत सुरज कोसळल्याने त्याला तात्काळ रुग्णालयात दाखल करण्यात आले. मात्र यादरम्यान त्याचा मृत्यू झालायची बातमी समोर आली. यावेळी प्रकाशाचे कार्यकर्ते आणि पत्रकारांमध्ये वाद झाल्याचे पाहायला मिळाले. दरम्यान हृदयविकाराच्या झटक्याने तरुणाचा मृत्यू झाल्याची माहिती डॉक्टरांनी दिली. या प्रकरणाचा तपस सुरु असल्याचे पोलिसांनी सांगितलं आहे. (Thalapathy Vijay rally accident man death)
विजयच्या २७ सप्टेंबर २०२५ रोजी करुर येथील रॅलीत मोठी चेंगराचेंगरी झाली होती. यात ४१ नागरिकांचा मृत्यू झाला होता तर, अनेकजण जखमी झाले होते. सध्या सीबीआय घटनेचा तपास करत असून, विजयला चौकशीसाठी सरकारी कार्यालयाच्या चकरा माराव्या लागत आहेत. (Thalapathy Vijay rally accident man death)
आणखी वाचा: राखीने केली ‘बिग बॉस’च्या प्रॉपर्टीची तोडफोड, सागरची केली कानउघडणी, म्हणाली…
