Bigg Boss Marathi 6 :’बिग बॉसच्या घरात राखीची एंट्री झाल्यापासून एक वेगळंच वळण आलं आहे. दरम्यान नुकत्याच समोर आलेल्या प्रोमोमध्ये सागर आणि राखी एकमेकांना भिडताना दिसत आहेत. तर कालच्या एपिसोडमध्ये रुचिताने राखीला तिचे कपडे पाण्यात फेकण्याची धमकी दिली होती. यानंतर राखी हातात झाडू घेऊन उभी होती. राखीच्या हातात झाडू पाहताच रुचिताने तिचे कपडे पुन्हा बेडरूममध्ये जाऊन ठेवले.
आता राखीचा घरातील साफसफाईवरून सागर कारंडेशी वाद झालेला प्रोमोमध्ये दाखवण्यात आलं आहे. वॉशरूम एरिया स्वच्छ नसल्याने राखी खूपच संतापलेली दिसते. राखीची एन्ट्री झाली तेव्हा सागर घराचा कॅप्टन होता. त्यामुळे या दोघांमध्ये सुरुवातीपासून खटके उडत होते. बाथरूममध्ये जमा झालेली घाण राखी सागरला दाखवते आणि हे स्वच्छ करा असंही सांगते. पण सागर साफसफाई करण्यास तिला नकार देतो. सागर राखीला म्हणतो, “तू मला सांगू नकोस. मी वॉचमन नाही. मी साफ करणार नाही” यानंतर राखी भडकून म्हणते, “हे तुम्हाला करावं लागेल. आम्ही पण जेवण बनवतो. ते खाता ना तुम्ही? मग नाटकं का करता?” असं बोलून राखी वॉशरूम एरियाच्या बाहेर येते आणि रागात किचनमध्ये येऊन काचेची वस्तू फोडते. तर आता सागर आणि राखीचा हा वाद घरात काय धुमाकूळ घालणार? आणि राखीने केलेली तोडफोड यावर ‘बिग बॉस तिला काय शिक्षा देणार? हे पाहणं रंजक ठरणार आहे. (Bigg Boss Marathi 6)
