Nitin Desai Funeral Update : चित्रपटसृष्टीतील प्रसिद्ध कलादिग्दर्शक नितीन देसाई यांनी बुधवारी (२ ऑगस्ट) गळफास घेत आत्महत्या केली. त्यांच्या निधनाच्या बातमीने कलाविश्व गहिवरलं आहे. नितीन देसाई यांच्या आत्महत्येमागचं कारण अद्याप स्पष्ट झालं नसलं, तरी आर्थिक अडचणींमुळे हे सगळं घडल्याचे माध्यमांमध्ये बोललं जात आहे. (Nitin Desai Suicide)
नितीन देसाई यांच्या पार्थिवावर आज एन.डी. स्टुडिओ येथे अत्यंसंस्कार करण्यात येणार आहे. दुर्दैवी म्हणजे, ज्या नितीन देसाई यांनी ‘जोधा अकबर’ चित्रपटाचा भव्यदिव्य सेट जिथे उभारला तिथेच त्यांना आज अखेरचा निरोप दिला जात आहे. आज सकाळपासूनच अनेकांनी नितीन देसाईंना अखेरचा निरोप देण्यासाठी एन.डी. स्टुडिओमध्ये गर्दी करत असून अनेक राजकीय नेते व कलाकारांनी नितीन देसाईंच्या पार्थिवाचे दर्शन घेतलेले आहे.
हे देखील वाचा – Nitin Desai Funeral : फुलांची सजावट, तुफान गर्दी अन्…; नितीन देसाईंना पाहून उपस्थितांचेही डोळे पाणावले, व्हिडीओ व्हायरल
दिग्दर्शक रवी जाधव यांनी नितीन देसाई यांच्या पार्थिवाचे दर्शन घेतले आहे. यावेळी अंतिम दर्शन घेताना दिग्दर्शक रवी जाधव म्हणाले, “माझ्यासारख्या असंख्य मध्यमवर्गीय मुलांसाठी नितीन दादा आदर्श होते. नुसतं स्वप्न पाहत बसायचे नाहीत, तर ते स्वप्न सत्यात उतरायचे. इतका मोठा आंतरराष्ट्रीय दर्जाचा स्टुडिओ उभारणारा आमचा दादा असा अचानक का सोडून गेला, हे आम्हा सगळ्यांना कोडं आहे. मला विश्वासच बसत नाही, की ते असं काहीतरी करतील. आणि त्याच्यामागची काय कारणं आहेत, खरंच मला माहित नाही. पण जसं बालगंधर्वांच्या वेळी त्यांनी म्हटलं होतं, की असा बालगंधर्व होणे नाही. तसं मला आता म्हणावसं वाटतंय की, असा दिग्दर्शक होणे नाही.”
हे देखील वाचा – Nitin Desai Funeral : …अन् वडिलांना पाहून लेकीच्या अश्रूंचा बांध फुटला, डोळ्यात पाणी आणणारा व्हिडीओ समोर
कला दिग्दर्शक नितीन देसाई यांनी रवी जाधव यांना त्यांच्या आगामी चित्रपटाच्या शूटसाठी एनडी स्टुडिओमध्ये येण्याचं निमंत्रण दिलं होतं. त्याबद्दल बोलताना रवी जाधव म्हणाले, “दोन-तीन महिन्यांपूर्वी त्यांनी मला फोन केला होता. की तू ‘बाल शिवाजी’ सिनेमा करतोयस, तेव्हा तू दुसरं कुठं जायचं नाही, एनडी स्टुडिओमध्ये यायचं. तुला या चित्रपटासाठी हवी ती मदत, हवी ती गोष्ट तुला मी देईन.” नितीन देसाई यांनी निर्मिती केलेल्या ‘बालगंधर्व’ चित्रपटाचे दिग्दर्शन रवि जाधव यांनी केले होते. ज्यात अभिनेता सुबोध भावेने बालगंधर्वची साकारली होती. (Director Ravi Jadhav on Nitin Desai Demised)
पाहा व्हिडिओ
