‘बिग बॉस १७’ हा लोकप्रिय शो पहिल्या दिवसापासूनच चर्चेत आहे. नवनवीन ट्विस्टसमुळे हा शो उत्कंठावर्धक होत चालला आहे. अशातच आता या शोमध्ये आणखी एक नवीन ट्विस्ट आला आहे. ते म्हणजे घरातील एक सदस्य बाहेर पडला आहे. गेल्या आठवड्यात या शोमधून एकही सदस्य बाहेर पडला नव्हता. मात्र या आठवड्याच्या मध्यावरच एक सदस्य घरातून बाहेर पडणार आहे. (Navid Sole Talked About Ankita Lokhande’s Pregnancy)
स्पर्धक नावीद सोले हा घरातून बाहेर पडल. नावीदला प्रेक्षकांच्या मतांमुळे नव्हे तर त्याच्या सहकारी स्पर्धकांच्या निर्णयामुळे या शोचा निरोप घ्यावा लागला आहे. शोमधून बाहेर पडल्यांनातर नाविदने ‘दैनिक भास्कर’शी साधलेल्या संवादात, त्याच्या ‘बिग बॉस’मधील प्रवासाबद्दल आणि अंकिता लोखंडेच्या गरोदरपणाबद्दल सांगितले.
यावेळी अंकिताबद्दल त्याने असे म्हटले आहे की, “आत्तापर्यंत सर्व काही सकारात्मक दिशेने चालले आहे. मी याबद्दल खूप उत्सुक आहे. अंकिताने मला वचन दिले आहे की, ती तिच्या बाळाचे नाव ठेवण्यासाठी माझी मदत घेणार आहे आणि यासाठी आम्ही हिंदी व इंग्रजी नावांवरून काही नावे तयार केली आहेत. मात्र योग्य वेळ आल्यावर मी ती नावे शेअर करेन.”
घरातील इतर स्पर्धकांनुसार नावीद हा घरात अजिबात सक्रिय नसल्यामुळे त्याला घराबहेर पडावे लागले. तेव्हा त्याने या सगळ्या अफवा असल्याचे सांगत असे म्हटले की, “मी या शोमध्ये सुरुवातीपासूनच माझी वेगळी ओळख निर्माण करण्याचा प्रयत्न केला आणि शेवटपर्यंत ती राखली. मी सक्रिय नसल्याबद्दल ते स्पर्धक अफवा पसरवत आहेत”. यापुढे एलिमिनेशनबद्दल त्याने असे म्हटले की, “जे सक्रिय नाहीत ते अजूनही घरात आहेत. मी खूप सक्रिय असून घरातील प्रत्येक कार्यात सहभाग घेत होतो. मी घरात खूप सकारात्मकता पसरवली. कदाचित याच कारणामुळे मला बाहेर काढण्यात आले. मी घरातून बाहेर पडलो तेव्हा घरातील काही लोक माझ्यासाठी रडत होते”.
यापुढे विकी जैन हा घरातील सर्वात चांगला स्पर्धक असल्याचेही त्याने सांगितले. विकीबद्दल तो असं म्हणाला की, “विकी खूप छान खेळत आहे. तो सहजासहजी भावूक होत नाही. पण नुकतेच त्याच्या डोळ्यात अश्रू पाहून मलाही भरून आले. त्याचा हुशारपणा त्याला शेवटपर्यंत घेऊन जाईल असा मला विश्वास आहे”.
दरम्यान नावीदने अंकिताबद्दल केलेल्या या वक्तव्यामुळे तिच्या गरोदरपणाच्या अफवांना दुजोरा मिळत आहे. त्याचबरोबर नेटकऱ्यांनादेखील तिच्याविषयी उत्सुकता लागली आहे. त्यामुळे येत्या भागात ‘बिग बॉस’मध्ये आणखी काय काय बघयला मिळणार यासाठी प्रेक्षक आतुर आहेत.
