Amruta Deshmukh Prasad Jawade Marriage : कलाकार मंडळींनी एखादी हटके फॅशन केली की त्यांचे चाहते ही ती फॅशन फॉलो करतात. कपडे, दागिने अशा वेगवेगळ्या फॅशन ही कलाकार मंडळी करत असतात. आणि या फॅशनने ते प्रेक्षकांच्या मनावर छाप पाडतात. अशातच पुन्हा एकदा एका हटके स्टाईलच्या मंगळसूत्राची चर्चा सुरू झाली आहे. अर्थात नववधूच्या गळ्यातील मंगळसूत्राच्या डिझाइनने ही चर्चा सुरू झाली आहे. आणि या चर्चेला उधाण आलेलं पाहायला मिळालं.
मराठी मनोरंजन विश्वातील क्युट कपल अभिनेता प्रसाद जवादे व अभिनेत्री अमृता देशमुख ही जोडी नुकतीच विवाहबंधनात अडकली आहे. शनिवार (१८ नोव्हेंबर) रोजी या जोडीचा शाही विवाहसोहळा संपन्न झाला. अमृता-प्रसादच्या लग्नाची सध्या सर्वत्र जोरदार चर्चा सुरू असलेली पाहायला मिळत आहे. पुण्यातील एका रिसॉर्टमध्ये पार पडलेल्या यांच्या लग्नाला सिनेसृष्टीतील बऱ्याच कलाकार मंडळींनी हजेरी लावली होती.
प्रसाद-अमृताचा लग्नातील लूक प्रचंड व्हायरल झाला. लाल लेहेंग्यामध्ये नव्या नवरीचं रूप खुलून आलं होतं. तर प्रसादच्या पारंपरिक कुर्त्यावरही नजर रोखून राहिली होती. याशिवाय प्रसाद-अमृताच्या लग्नातील आणखी एक लक्षवेधी गोष्ट म्हणजे अमृताचं मंगळसूत्र. अमृताच्या गळ्यातील नाजूक असं दोन वाट्यांचं मंगळसूत्र अन् त्याला असलेला पारंपरिक टच साऱ्यांचं लक्ष वेधून घेत होतं. अमृताच्या गळ्यात प्रसादने जरी मंगळसूत्र घातलं असलं तरी प्रसादनेही अमृताच्या नावाचं लॉकेट स्वतःच्या गळ्यात घालून साऱ्यांची मनं जिंकली. अमृताच्या मंगळसूत्राहून प्रसादच्या लॉकेट भाव खाऊन गेलं, असं म्हणणं चुकीचं ठरणार नाही.
प्रसाद-अमृताच्या लग्नसोहळ्याबरोबरचं त्यांच्या हळदी समारंभाचे फोटोही सोशल मीडियावर चांगेलच व्हायरल झाले होते. यावेळी अमृताने पिवळ्या रंगाचा डिझाइनर लेहंगा परिधान केला होता तर तर प्रसादने हिरव्या व मोती कलरचा सदरा, पायजमा परिधान केला होता. अमृताने त्या लेहंग्यावर तिने फुलांनी सजलेले व मोत्यांनी बनलेले दागिने परिधान केले होते. ज्यात तिचा लूक अगदी खुलून दिसत होता.
