Mayank Pawar Death : रिअॅलिटी शो आणि फिटनेस क्षेत्रातून एक अत्यंत धक्कादायक बातमी समोर आली आहे. MTV Splitsvilla या लोकप्रिय रिअॅलिटी शोमधील स्पर्धक मयंक पवार यांचे वयाच्या अवघ्या ३७व्या वर्षी निधन झाले आहे. त्यांच्या इन्स्टाग्राम अकाउंटवरून ही माहिती शेअर करण्यात आली असून, या बातमीने चाहते आणि फिटनेस क्षेत्रातील अनेकांना मोठा धक्का बसला आहे. इन्स्टाग्रामवर शेअर करण्यात आलेल्या पोस्टमध्ये भावनिक शब्दांत श्रद्धांजली अर्पण करण्यात आली आहे. “एक भाऊ, एक चॅम्पियन, एक मार्गदर्शक आणि अनेकांसाठी प्रेरणास्थान… मयंक पवार कायम आपल्या हृदयात राहील,” असे त्या पोस्टमध्ये म्हटले आहे.
मयंक केवळ रिअॅलिटी शोमुळे ओळखला जात नव्हता, तर त्याने फिटनेस क्षेत्रातही आपली वेगळी छाप पाडली होती. सात वेळा ‘मिस्टर इंडिया’ किताब जिंकत त्याने आपली मेहनत आणि शिस्त सिद्ध केली होती. सेलिब्रिटी फिटनेस ट्रेनर म्हणून त्याने अनेकांना आरोग्यदायी जीवनशैलीकडे वळवले. सोशल मीडियावर त्यांच्या निधनाची बातमी वाऱ्यासारखी पसरली आणि चाहत्यांनी दु:ख व्यक्त केले. अनेकांनी त्यांच्या साधेपणाचा आणि सकारात्मक स्वभावाचा उल्लेख करत श्रद्धांजली वाहिली. एका चाहत्याने लिहिले की, काही दिवसांपूर्वीच त्याने शोमधील मयंकचा प्रवास पुन्हा पाहिला होता आणि आज ही बातमी ऐकून विश्वास बसत नाही. MTV Splitsvilla च्या सातव्या सिझनमध्ये मयंकची लोकप्रियता लक्षणीय होती.
आणखी वाचा – “मला हात लावू नको” राखीने दिली विशालला चेतावणी; ‘बिग बॉस मराठी’च्या घरात तुफान राडा
शोमधून त्याला बाहेर पडावे लागले तेव्हा सूत्रसंचालिका Sunny Leone सुद्धा भावूक झाल्याचे पाहायला मिळाले होते. तो क्षण प्रेक्षकांसाठीही अतिशय हृदयस्पर्शी ठरला होता. मयंकच्या अकाली जाण्यामुळे त्यांच्या मृत्यूचे नेमके कारण काय, याबाबत चर्चा सुरू आहेत. मात्र अधिकृतरीत्या कोणतीही माहिती समोर आलेली नाही. त्यांच्या निधनामुळे केवळ कुटुंबीय आणि मित्रपरिवारच नव्हे, तर संपूर्ण फिटनेस विश्वावर शोककळा पसरली आहे. त्याच्या कार्याची आणि प्रेरणादायी प्रवासाची आठवण चाहत्यांच्या मनात कायम राहील.
आणखी वाचा – ‘Bigg Boss’च्या घरात असताना दीपाली सय्यदच्या सासूबाईंचं निधन, दुःखद बातमी लपवून ठेवली कारण…; सूत्र म्हणाले…
