Bigg Boss Marathi 6 : ‘बिग बॉस’ मराठी म्हटलं की आपल्या डोळ्यासमोर काय येतं? भांडणं, वाद, एकमेकांवर कुरघोडी, स्ट्रॅटेजी आणि तुफान ड्रामा! पण यावेळी ‘बिग बॉस’च्या घरात काहीतरी अगदी वेगळंच पाहायला मिळालं. घरात चक्क शाळाच भरली आणि सगळे सदस्य विद्यार्थी बनले. शाळेचा युनिफॉर्म घालून स्पर्धक एकदम शाळकरी मुलांसारखे तयार झालेले दिसत होते. कुणी मस्ती करत होतं, कुणी एकमेकांची खिल्ली उडवत होतं, तर कुणी टास्कसाठी आधीपासूनच प्लॅनिंग करत होतं. वातावरण जरी मजेशीर असलं तरी टास्क सुरू होताच सगळं चित्र बदललं.
या टास्कदरम्यान तन्वी बॉल घेऊन पळताना दिसते. त्यावेळी रुचिता आणि अनुश्री तिच्याकडून बॉल हिसकावून घेण्याचा प्रयत्न करतात. परिस्थिती तापू लागते आणि त्याच वेळी राखी तन्वीच्या मदतीला धावून येते. पण इथेच खेळाला वेगळं वळण मिळतं. विशाल थेट राखीला उचलून बाजूला करतो, जे राखीला अजिबात पसंत पडत नाही. विशालच्या या कृतीमुळे राखी संतापते. ती स्पष्ट शब्दांत त्याला वॉर्निंग देते “मी तुला शेवटचं सांगते, मला हात लावायचा नाही!” तिच्या या वक्तव्यामुळे घरातील वातावरण आणखी बदलतं. इतर सदस्यही हा सगळा प्रकार पाहून हैराण झालेले दिसतात.
आणखी वाचा – ‘Bigg Boss’च्या घरात असताना दीपाली सय्यदच्या सासूबाईंचं निधन, दुःखद बातमी लपवून ठेवली कारण…; सूत्र म्हणाले…
आता, या घटनेवरून विशाल आणि राखीमध्ये आणखी मोठा वाद रंगणार का? ‘बिग बॉस’ यावर काही कारवाई करणार का? की हा वाद पुढच्या काही दिवसांत आणखी पेटणार? अशी चर्चा प्रेक्षकांमध्ये दिसून येत आहे.
