‘मोरया’, ‘झेंडा’ यांसारख्या अनेक लोकप्रिय चित्रपटातून अभिनय करत प्रेक्षकांच्या मनावर अधिराज्य करणारा कलाकार म्हणजे अभिनेता संतोष जुवेकर. नानाविध भूमिका साकारत त्याने आजवर प्रेक्षकांचे मनोरंजन केलं आहे. अभिनयाव्यतिरिक्त तो सोशल मीडियावरदेखील तितकाच सक्रिय असतो. सोशल मीडियावर तो त्याच्या कामाबद्दलची माहिती देत असतो. त्याचबरोबर कुशल बद्रिके व अभिजीत चव्हाण यांच्याबरोबरचे धम्माल व्हिडीओही तो सोशल मीडियाच्या माध्यमातून शेअर करत असतो आणि त्याच्या या व्हिडीओला चाहत्यांकडूनही चांगला प्रतिसाद मिळतो.
अशातच अभिनेत्याने त्याच्या सोशल मीडियावर नुकताच एक नवीन व्हिडीओ शेअर केला आहे. ज्याची सर्वत्र चर्चा सुरू आहे. संतोषने नवीन गाडी घेतल्याच्या एक व्हिडीओ त्याच्या सोशल मीडियाद्वारे शेअर केला आहे. अभिनेत्याने त्याच्या आई-वडिलांसाठी अलिशान कार खरेदी केली आहे आणि याचा आनंद त्यांच्या चेहऱ्यावर ओसंडून वाहत आहे. संतोश ही नवीन कार खरेदी करायला गेला असताना इन्स्टाग्रामवर लाईव्ह येत त्याने हा खास व्हिडिओ काढला आहे.
आणखी वाचा – मोठा निर्णय! अभिनय क्षेत्राला रामराम करत थलपती विजयची राजकारणात एण्ट्री, स्वत:च्या पक्षाची केली स्थापना
यावेळी व्हिडीओमध्ये तो त्याच्या आईला नवीन गाडी घेतली असल्याच्या आनंदाबद्दल विचारतो. तेव्हा त्याची आई लेकाने आमच्यासाठी गाडी घेतली असल्यामुळे आनंदी असल्याचे म्हणते. यावर संतोषही तू असशील तर अशा आणखी १०-१५ गाड्या घेऊ असं गंमतीत म्हणतो.
दरम्यान, संतोषने शेअर केलेल्या या व्हिडीओवर नेटकऱ्यांनी लाईक्स वं कमेंट्सद्वारे प्रतिसाद दिला आहे. तसेच अनेकांनी कमेंट्समध्ये संतोषचे अभिनंदन केले आहे आणि आई-वडिलांना गाडी घेऊन दिल्याबद्दल अनेकांनी त्याचे कौतुकही केले आहे.
