अनुष्का शर्मा व विराह कोहली या सुपरहिट कपलचे लाखो चाहते आहेत. या सेलिब्रिटी कपलकडे पाहिलं की, त्यांचा अगदी हेवा वाटतो. दोघांना आता दोन वर्षांची मुलगी आहे. वामिका असं अनुष्का व विराटच्या मुलीचं नाव आहे. आई झाल्यानंतर अनुष्का तर तिच्या सुखी संसारामध्ये रमली आहे. अधिकाधिक वेळ मुलीला देताना ती दिसते. कलाक्षेत्रापासूनही अनुष्का सध्या दूर आहे. आता अनुष्का व विराटबाबत एक नवी चर्चा सुरु झाली आहे. (Anushka Sharma Second Pregnancy)
अनुष्का दुसऱ्यांदा गरोदर असल्याचं बोललं जात आहे. ‘हिंदुस्तान टाइम्स’च्या वृत्तानुसार, अनुष्का दुसऱ्यांदा गरोदर आहे. लवकरच अनुष्का व विराट ही आनंदाची बातमी चाहत्यांसह शेअर करणार आहेत. पण सध्यातरी अनुष्काच्या दुसऱ्या गरोदरपणाबाबत न बोलणं त्यांनी पसंत केलं आहे. तसेच काही दिवसांपूर्वी विराट व अनुष्काने त्यांचे फोटो पोस्ट न करण्यास पापाराझी छायाचित्रकारांना सांगितलं होतं.
विराट व अनुष्का एका प्रसुती क्लिनिकबाहेरही दिसले होते. या क्लिनिकबाहेरचे फोटो पापाराझींनी पोस्ट करु नये अशी या दोघांनी विनंती केली होती. म्हणूनच गेल्या काही दिवसांपासून अनुष्का लाइमलाइटपासून दूर असल्याची चर्चा आहे. अंबानी कुटुंबियांच्या घरी गणपती दर्शनासाठी संपूर्ण कलाविश्व होतं. मात्र यावेळी विराट व अनुष्का कुठेच दिसले नाहीत.
आणखी वाचा – “जास्त दारू प्यायली का?”, सुकन्या मोनेंच्या ‘त्या’ व्हिडिओवर महिलेची कमेंट, अभिनेत्री म्हणाली, “ही नशा…”
खासगी आयुष्याबाबत अधिकाधिक न बोलणंच दोघं पसंत करतात. लेक वामिकाच्या जन्मानंतरही कित्येक महिने त्यांनी आपल्या मुलीला मीडियापासून दूर ठेवलं. मुलीचा चेहरा दाखवण्यासाठीही नकार दिला. अजूनही त्यांनी आपल्या मुलीचा चेहरा सगळ्यांसमोर दाखवलेला नाही. आता खरंच अनुष्का गरोदर आहे का? की या निव्वळ चर्चा आहेत हे काही दिवसांमध्ये स्पष्ट होईल.
