कलाकार मंडळी बऱ्याचदा चित्रीकरणामध्येच अडकून राहतात. तासन् तास शूट करण्यात व्यग्र असतात. अशावेळी घरी व काम सांभाळणं म्हणजे तारेवरची कसरतच. कलाकार घरातील काम, त्यांच्या मुलांना सांभाळण्यासाठी मदतनीस कामासाठी ठेवतात. घरात काम करणाऱ्या व्यक्तीलाही तितकेच जपतात. सलमान खान, फराह खान, अर्चना पूरण सिंह, भारती सिंह अशी अनेक मंडळी याचं जिवंत उदाहरण आहेत. भारती तर तिच्या घरात काम करणाऱ्या दोन महिलांना घेऊन व्लॉगही शूट करते. स्वतःच्या कुटुंबियातील व्यक्तींप्रमाणेच वागणूक देते. आता या सगळ्यामध्ये आलिया भट्टचं नावही समोर आलं आहे. (Alia bhatt help her driver and househelper)
आलिया आता लेक राहासह घर आणि काम सांभळत आहे. अगदी कमी वयातच तिने कुटुंबाची जबाबदारीही सांभाळली आहे. यामध्ये तिला पती रणबीर कपूरची व कुटुंबातील इतर सदस्यांची साथ असतेच. पण त्याचबरोबर अलियाला घर सांभाळणं आणखी काही सदस्यांमुळे सहज शक्य होतं. ते म्हणजे तिचे ड्रायव्हर आणि हाऊसहेल्प. सुनिल आणि अमोल आलियासाठी काम करतात. तिचं संपूर्ण घरही सांभाळतात.
आणखी वाचा – राकेश रोशन यांच्यावर रुग्णालयात उपचार सुरु, नक्की काय झालं?, मानेची शस्त्रक्रिया अन्…; आता परिस्थिती कशी?
सुनिल आणि अमोलवर आलियाचा मोठा विश्वास आहे. आलिया २०१२ पासून खऱ्या अर्थाने कलाक्षेत्रात कार्यरत झाली. तिथपासून सुनिल आणि अमोलने तिला उत्तम साथ दिली. आलियाला अजूनही ते साथ देत आहेत. म्हणूनच आलियाने त्यांच्यासाठी कौतुकास्पद काम केलं आहे. आलिया तिच्यासाठी काम करणाऱ्या प्रत्येक व्यक्तीला कुटुंब मानते. म्हणूनच सुनिल आणि अमोलला तिने मोठ्या मनाने आर्थिक मदत केली. इतकंच काय तर घर घेण्यासाठीही स्वतःच्या पायावर उभं केलं.
स्पॉटबॉय डॉटकॉमच्या वृत्तानुसार, आलियाने २०१९मध्ये ड्रायव्हर आणि हाऊसहेल्पर सुनिल आणि अमोलला ५०-५० लाख रुपये गिफ्ट म्हणून दिले होते. इतकंच काय तर जुहू आणि वांद्रे सारख्या परिसरामध्ये स्वतःच घर घेऊन देण्यासाठी त्यांना आलियाने मदत केली. खरंच तिच्या मनाचा हा मोठेपणा आहे. आलियासाठी हे दोघं कुटुंबच आहेत. म्हणूनच कुटुंबातील प्रत्येक व्यक्ती पुढे जावी असं तिला वाटतं. आलियाने केलेल्या या मदतीचं सर्वत्र कौतुक होत आहे.
