Atlee Baby Girl : लोकप्रिय दिग्दर्शक ॲटली कुमार सध्या त्याच्या आगामी ‘राका’ चित्रपटामुळे चर्चेत आहेत. अल्लू अर्जुन आणि दीपिका पदुकोण या सिनेमात एकत्र धमाका करणार आहेत. चित्रपट पाहण्यासाठी लोक आतुर झाले आहेत. दरम्यान, ॲटलीने आपल्या चाहत्यांना खूश केले आहे. ॲटली कुमार यांची एक पोस्ट समोर आली आहे, जी इंटरनेट जगतात मोठ्या प्रमाणात व्हायरल होत आहे. ही पोस्ट पाहून चाहत्यांचा आनंद गगनात मावेना झाला आहे. ॲटली आणि त्याची पत्नी प्रिया यांनी सोमवारी त्यांच्या दुसऱ्या मुलीच्या जन्माची गोड बातमी दिली आहे.
इंस्टाग्रामवर पोस्ट शेअर करताना ॲटलीने लिहिले, “धन्य वाटत आहे. पोस्टमध्ये त्यांनी आपल्या मुलीच्या जन्माची घोषणा केली”. कॅप्शनमध्ये लिहिले आहे, “अरे, मला एक लहान बहीण मिळाली. मोठा भाऊ मीर”. चाहत्यांनी टिप्पण्यांमध्ये भरपूर हृदय आणि प्रेमाने भरलेले इमोजी पाठवून नवीन पालकांचे अभिनंदन केले. याआधी प्रिया पहिल्यांदा गरोदर राहिली तेव्हा दोघांनीही फॅमिली फोटो इंस्टाग्रामवर शेअर केले होते. तिचे बाळ दाखवत प्रियाने लिहिले होते, “आमचे घर आणखी सुंदर होणार आहे, कारण आमच्याकडे नवीन सदस्य येणार आहे. होय, पुन्हा गर्भवती… तुमचे आशीर्वाद, प्रेम आणि प्रार्थना हवी आहेत”.
आणखी वाचा – ‘बिग बॉस मराठी’ सीझन ६ची विजेती ठरली तन्वी कोलते, ट्रॉफीसह मिळवली इतकी रक्कम, कौतुकाचा वर्षाव
ॲटलीचा आगामी चित्रपट ‘राका’ हा एक विज्ञानकथा आणि ॲक्शन-फँटसी चित्रपट असल्याचे म्हटले जाते, जो भारतीय चित्रपटातील वेळ प्रवास आणि पौराणिक कथांच्या मिश्रणावर आधारित असू शकतो. दीपिका पदुकोण आणि अल्लू अर्जुन या चित्रपटात धमाल करणार आहेत. चित्रपटाचे बजेट जवळपास 800 कोटी आहे. वृत्तांवर विश्वास ठेवला तर, दीपिका आणि अल्लू लवकरच चित्रपटाची शूटिंग सुरु करणार आहेत. ॲटलीच्या ‘जवान’ या चित्रपटाने बॉक्स ऑफिसवर खळबळ उडवून दिली होती. शाहरुख खानपासून ते नयनतारापर्यंत या चित्रपटात उत्कृष्ट काम केले आहे. आता ‘राका’ या चित्रपटाला लोक किती प्रेम देणार हे पाहणे औत्सुक्याचे ठरणार आहे.
