Pooja Banerjee Kunal Verma press conference : अभिनेत्री पूजा बॅनर्जी आणि अभिनेता कुणाल वर्मा ही टेलिव्हिजन विश्वातील लोकप्रिय जोडीपैकी एक आहे. मात्र सध्या हे जोडपं वादाच्या भोवऱ्यात अडकलेलं पाहायला मिळत आहे. खरं तर, निर्माता श्याम सुंदर डे यांनी अपहरण, फसवणूक आणि पैसे वसूल केल्याचा आरोप करुन त्यांच्यावर एफआयआर दाखल केला आहे. या सर्व पार्श्वभूमीवर या जोडप्याने नुकतीच एक पत्रकार परिषद घेत या वादांवर स्पष्टपणे भाष्य केलेलं पाहायला मिळत आहे. सध्या पूजा व कुणाल यांच्यावर खूप मोठं संकट आलेलं पाहायला मिळत आहे. मात्र हे जोडपे एकमेकांच्या बरोबर खंबीरपणे उभे असल्याचं पाहायला मिळत आहे.
नुकत्याच घेतलेल्या पत्रकार परिषदमध्ये ते म्हणाले की, या सर्व गोष्टींमुळे त्यांना द्वेषाचा सामना करावा लागला आहे. इतकेच नव्हे तर त्यांना कामं भेटणेही कठीण झाले आहे. पूजा टेली मसालासह बोलताना म्हणाली की, श्याम सुंदर डेच पैसे घेऊन गायब झाले होते आणि जेव्हा आम्ही त्यांना या पैशांबाबत विचारले तेव्हा उलट त्यांनीच आमच्यावर अपहरण केल्याचा आरोप केला. पूजा म्हणाली की, पोलिस त्यांचे काम करत आहेत आणि आम्ही ठीक आहोत, आणि म्हणूनच त्यांनी आम्हाला जाऊ दिले.
आणखी वाचा – वयाच्या ५३व्या वर्षी दाक्षिणात्य अभिनेत्याचे निधन, उपचारासाठी आर्थिक मदतही मागितलेली पण…; किडनी फेल…
कुणाल वर्मा म्हणाला, “मला आफ्रिका, लंडन आणि पाकिस्तान येथून फोन येत आहे आणि आम्हाला साऱ्यांच्या द्वेषाला सामोरे जावे लागत आहे. मी असे म्हणत नाही की माझ्या बाबतीत काहीतरी घडते आहे, मी आणि माझी पत्नी खूप मजबूत आहोत. पण, आम्ही मानसिकदृष्ट्या या त्रासाला सामोरे जात आहोत. कारण जेव्हा पैसे खिशात राहतात तेव्हा आपण बरेच काही सहन करु शकतो. आज, जर माझ्या मुलाने माझ्याकडे काही मागितले तर मी त्याला पैसे देण्यास सक्षम नाही, कारण मला कर्ज द्यावे लागेल. माझ्याकडे मुलाची शाळेची फी भरण्यासाठी पैसे नाहीत. खरं सांगायचं तर, त्याच्या शाळेची फी त्याच्या मामाने भरली आहे”.
या कठीण काळात असे बरेच लोक आहेत, ज्यांनी मदतीचा हात पुढे केला. कुणाल पुढे म्हणाला, “आज माझ्याकडे जे काही आहे. सोन्याची अंगठी आहे किंवा जे काही बँकेत होते, कारण मला लोकांना पैसे द्यावे लागतील. माझ्याकडे कोणतेच शूटही नाही. आम्हाला कामावरुन काढून टाकण्यात आले आहे”. अभिनेत्याने सांगितले की या वादाचा परिणाम त्याच्या कारकिर्दीवर होत आहे. हे ज्ञात आहे की पूजा बॅनर्जीने बर्याच कार्यक्रमांमध्ये काम केले आहे, परंतु ‘देवों के देव महादेव’मध्ये पार्वतीची भूमिका बजावून तिला विशेष लोकप्रियता मिळाली.
