अभिनेत्री दीपिका पदुकोण व अभिनेता रणवीर सिंह यांच्या घरी चिमुकल्याचे आगमन होणार असल्याचे जाहीर करण्यात आले आहे. सप्टेंबरमध्ये बाळ जन्माला येणार अशी पोस्ट खुद्द दीपिकाने केली आहे. दोघांच्या लग्नाला ६ वर्ष झाली असून आता दीपिकाने आई होण्याचा निर्णय घेतला आहे. २०१८ मध्ये रणवीर व दीपिका लग्नबंधनात अडकले होते. काही दिवसांपूर्वीच दीपिकाने ‘बाफ्टा’ पुरस्कार सोहळ्याला हजेरी लावली होती. तेव्हा दीपिकाच्या साडी नेसण्याच्या पद्धतीने ती गरोदर असल्याची चर्चा रंगली होती. पण आता या चर्चांना पूर्णविराम लागला आहे. (Ranveer singh on Baby)
दीपिका-रणवीरच्या घरी बाळ येण्याची घोषणा करताच सर्वच स्तरातून त्यांच्यावर अभिनंदनाचा वर्षाव होत आहे. अशातच रणवीरचा एक व्हिडिओ व्हायरल होत आहे. या व्हिडिओमध्ये त्याने बाळाबद्दलच्या भावना व्यक्त केल्या आहेत. राजीव मसंद यांच्याबरोबर झालेल्या मुलाखतीमध्ये तो म्हणाला होता की, “जर मी अभिनेता नसतो तर मी नक्की कोण असतो हे मला माहीत नाही. पण माझी खूप सारी मुलं असती हे मात्र नक्की. माझ्या कुटुंबाशिवाय मी अपूर्ण आहे. मला मुलं खूप आवडतात. मी सतत मुलांच्या फोटोकडे बघत असतो आणि त्यांच्याबद्दल विचारही करतो”.
पुढे तो म्हणाला होता की, “दीपिका स्वतः लहान असताना फार गोंडस होती. मी तिचे फोटो रोज बघतो आणि मला पण असंच एक बाळ हवं आहे असं म्हणतो ”, असं त्याने सांगितलं. तसेच रणवीरला त्याचे एक सुंदर घर असावे, त्यामध्ये त्याची पत्नी,मुलं आणि त्याचे संपूर्ण कुटुंबं सुखी व आनंदी असावे असे वाटते. त्यानंतर त्याला विचारण्यात आले की, “तुला मुलगा हवा की मुलगी?”,त्यावर तो म्हणाला की, “मला मुलगी हवी असं वाटतं. कारण मुली खूप गोड, गुणी, हुशार आणि सर्वांना आपलंस करणाऱ्या असतात”, असं त्याने सांगितलं.
आणखी वाचा – अनंत अंबानीच्या होणाऱ्या सासऱ्याची आहे इतकी संपत्ती, स्वतः करतात हे काम, एकूण कमाई आहे…
नुकत्याच ‘कॉफी विथ करण’च्या शोमध्ये पहिल्यांदाच दोघांच्या लग्नाचा व्हिडिओ दाखवण्यात आला होता. यामध्ये रणवीर व दीपिकाच्या लग्नाची बोलणी कशी झाली?, आई-वडिलांना कसे मनवले? तसेच दीपिकाला लग्नासाठी कशी मागणी घातली? याचा खुलासा करण्यात आला आहे.