बॉलिवूडचा मिस्टर परफेक्शनिस्ट आमिर खानची लेक आयरा खान व तिचा बॉयफ्रेंड नुपूर शिखरे लवकरच विवाहबंधनात अडकणार आहे. पुढील वर्षी ३ जानेवारीला हे जोडपं कोर्ट मॅरेज पद्धतीने लग्न करणार आहे. त्यानिमित्त दोघांच्या घरी लग्नापुर्वीच्या कार्यक्रम सध्या सुरु आहेत. काही दिवसांपूर्वी आयरा व नुपूरच्या पहिल्या केळवणाचा कार्यक्रम पार पडला होता, ज्याच्या फोटोजची बरीच चर्चा झाली होती. आता दोघांच्या दुसऱ्या केळवणाचा कार्यक्रम नुकतंच पार पडला. ज्यामध्ये दोन्ही कुटुंबातील सदस्य उपस्थित होते. या सोहळ्याचे फोटो सध्या सोशल मीडियावर व्हायरल होत आहेत. (ira khan and nupur shikhare second Kelvan functions)
आयराचा भावी पती नुपूर शिखरे हा महाराष्ट्रीयन कुटुंबातील आहे. त्यामुळे लग्नाआधी किंवा लग्नानंतर या महाराष्ट्रीयन कुटुंबात केळवणाचा कार्यक्रम पार पडला जातो. ज्यात नवविवाहित वधू-वरांना व त्यांच्या पालकांना एकत्र जेवणासाठी आमंत्रित करतात. तसेच त्यांना भेटवस्तू दिल्या जातात. पहिल्या केळवणाप्रमाणे हाही कार्यक्रम अतिशय साध्या रीतीने पण धुमधडाक्यात पार पडला. यावेळी आयराची आई रिना दत्ता व दोन्ही कुटुंबातील सदस्य आणि मित्रमंडळी उपस्थित होते. तसेच यावेळी दोन्ही कुटुंबातील सदस्यांनी नवविवाहित जोडप्यांना भेटवस्तू देत त्यांना आशीर्वाद दिले.
हे देखील वाचा – “हमारे इस वर्दी का गौरव हमेशा रहेगा…”, बहुचर्चित ‘सॅम बहादूर’चा दमदार ट्रेलर समोर, विकी कौशलच्या दमदार अंदाजाचं होतंय कौतुक
आयराने या सोहळ्याचे काही फोटोज तिच्या इन्स्टाग्राम अकाऊंटवर शेअर केले. ज्यामध्ये हे दोघे पारंपरिक लूकमध्ये अतिशय सुंदर दिसत होते. आयराने या सोहळ्याला लाल रंगाची साडी परिधान केली होती. त्यावर फुलांचे दागिने आणि केसांत गजरा यामध्ये ती अतिशय सुंदर दिसत होती. तर नुपूर पिवळ्या रंगाच्या कुर्ता व पायजमामध्ये अतिशय देखणा दिसत होता. या फोटोजमध्ये दोघे एकमेकांना मोठी मारताना दिसत असून दोघांच्या चेहत्यावरील आनंद स्पष्टपणे दिसत आहे. तर याच फोटोजमध्ये एक व्हिडीओसुद्धा शेअर करण्यात आला. ज्यामध्ये आयरा उखाणा घेताना दिसत आहे. दोघांच्या पुढ्यात महाराष्ट्रीयन पद्धतीचं पंचपक्वान्न दिसत आहे. ज्यात हे दोघे एकमेकांना घास भरवताना दिसले. यावेळी आयराने “आता मला मराठी येते. आणि मी पॉपॉयला घेऊन जाते”, असा सुंदर उखाणा घेतला.
हे देखील वाचा – तुळशीला पाणी घालत होते अमिताभ बच्चन, एक चूक घडली अन्…; नेटकऱ्यांनी कमेंट करत व्यक्त केला संताप
या केळवण सोहळ्याचे फोटोज जोरदार व्हायरल होत आहे. यावेळी दोघांच्या मित्रमंडळींसह चाहत्यांनी कमेंट करत त्यांच्यावर शुभेच्छांचा वर्षाव केला. आयराचा भावी पती नुपूर हा सेलिब्रिटी फिटनेस प्रशिक्षक असून त्याने अनेक सेलिब्रिटींना फिटनेसचं प्रशिक्षण देतो. गेल्या अनेक वर्षांपासून आयरा नुपूरकडून फिटनेसचं प्रशिक्षण घेते. त्याचदरम्यान, हे दोघे एकमेकांना डेट करत होते. त्यानंतर गेल्यावर्षी त्यांचा साखरपुडा पार पडला होता. ३ जानेवारी २०२४ रोजी हे दोघे लग्नबंधनात अडकणार आहेत. त्यानंतर ते उदयपूरला डेस्टिनेशन वेडिंगसाठी जाणार आहेत. या सोहळ्यानंतर आमिरने खास लेकीसाठी मुंबईत रिसेप्शन पार्टीचे आयोजन केले. ज्यामध्ये अनेक बॉलिवूड कलाकार हजेरी लावणार आहेत.