आमिर खानची लेक आयरा खान व नुपूर शिखरे हे दोघे नुकतेच कायदेशीर पद्धतीने विवाहबंधनात अडकले. मुंबईमधील ताज एंडस लँड या हॉटेलमध्ये या दोघांचे कायदेशीर पद्धतीने लग्न पार पडले. साध्या पद्धतीने हा विवाह सोहळा पार पडला असून आयरा-नुपूरच्या जवळच्या नातेवाईकांच्या व मित्रपरिवाराच्या उपस्थितीत हा विवाह पार पडला. आयरा-नुपूर यांच्या या अनोख्या लग्नाने साऱ्यांचेच लक्ष वेधून घेतले. यानंतर हे दोघे त्यांचा शाही विवाहसोहळा करण्यासाठी जयपूरला रवाना झाले आहेत. (Ira Khan And Nupur Shikhare Wedding)
आयरा-नुपूर यांच्या लग्नाआधीच्या विधींना सुरुवात झाली असल्याचे पाहायला मिळत आहे. नुकताच आयराने तिच्या इन्स्टाग्राम स्टोरीद्वारे एक व्हिडीओ शेअर केला होता. आयराने शेअर केलेल्या व्हिडीओमध्ये ती मेहंदीसाठी तयार होताना पाहायला मिळाली. यावेळी ती वॉकी टॉकी हातात घेऊन तयारीदरम्यान तिची हेरगिरी करणाऱ्या टीमची तक्रार करत होती. या व्हिडीओमध्ये एकीकडे आयरा मेहेंदी लावत आहे तर दुसरीकडे इतर सर्व पाहुणे मस्ती करताना दिसत आहेत.
आणखी वाचा – Video :…अन् किरण रावने गाणं गाताच नवऱ्याबरोबर डान्स करु लागली आमिर खानची लेक, संगीत मैफिल रंगली आणि…
अशातच आयराचा आणखी एक व्हिडीओ सोशल मीडियावर व्हायरल होत आहे. या व्हिडीओमध्ये आयराच्या हातावर मेहेंदी काढली जात असल्याचे पाहायला मिळत आहे. आयराचा मेहंदीचा एक फोटोही समोर आला आहे. आयराने मेहंदीसाठी घागरा चोळी परिधान केली आहे. पांढऱ्या रंगाचा सुंदर नक्षीकाम असलेला तिचा ब्लाउज लक्षवेधी ठरत आहे. आयरा-नुपूरच्या मेहंदी सोहळ्यामध्ये खास व्यवस्था करण्यात आली आहे. सर्व पाहुणे कोडी, राजस्थानी संगीत आणि डीजे इत्यादी खेळांचा मनमुराद आनंद घेत आहेत.
दरम्यान, आयरा ही आमिर खान आणि त्याची पहिली पत्नी रीना दत्ता यांची मुलगी आहे. कोर्ट मॅरेजनंतर १० जानेवारी रोजी उदयपूरमध्ये रीतीरिवाजांसह त्यांचा शाही विवाहसोहळा पार पडणार आहे. ७ जानेवारीपासून त्यांच्या लग्नाआधीच्या विधींना सुरुवात झाली असून १० जानेवारीला त्यांच्या शाही विवाहसोहळ्याने याची सांगता होणार आहे.
