सोशल मीडियावर कायम सक्रिय असणाऱ्या काही कलाकारांपैकी एक कलाकार म्हणजे अभिनेत्री क्रांती रेडकर. अभिनेत्री क्रांती रेडकरने तिच्या अभिनयाने व नृत्यकौशल्याने अनेकांच्या मनावर अधिराज्य केले आहे. क्रांती ही सोशल मीडियावर कायम सक्रिय असणाऱ्या कलाकारांपैकी एक आहे. क्रांती ही सोशल मीडियावर प्रचंड सक्रिय असते. सोशल मीडियाच्या माध्यमातून ती तिचे अनेक फोटो व व्हिडीओ शेअर करत असते. त्याचबरोबर ती तिच्या लेकींचे मजेशीर व्हिडीओही पोस्ट करत असते. त्यांच्या अनेक करामती ती व्हिडीओद्वारे चाहत्यांबरोबर शेअर करत असते आणि तिच्या या व्हिडीओला चाहत्यांकडूनदेखील उत्तम प्रतिसाद मिळत असतो. अशातच क्रांतीने नुकताच आणखीन एक नवीन व्हिडीओ शेअर केला आहे. (Kranti Redkar On Instagram)
क्रांतीने शेअर केलेला हा नवीन व्हिडीओ तिचा किंवा तिच्या लेकींचा नसून क्रांतीच्या पतीचा म्हणजेच समीर वानखेडे यांचा आहे. या व्हिडीओमध्ये क्रांतीच्या करामतीमुळे पती समीर वानखेडे हे चांगलेच वैतागलेले दिसत आहेत आणि त्यांच्या वैतागण्याचे कारण म्हणजे स्वत: क्रांतीच आहे. मुंबईमधील मलबार हिल या ठिकाणाचा उच्चार क्रांती मालाबा हिल असं करते आणि तिच्या या कृत्यामुळे समीर वैतागल्याचे पाहायला मिळत आहे.
क्रांतीने शेअर केलेल्या या व्हिडीओमध्ये क्रांती असं म्हणते की, “समीर ज्या ठिकाणी चालला आहे त्या ठिकाणचे नाव मलबार हिल असं आहे.” यावर क्रांती असं म्हणते की हे मलबार हिल नाही मलाबा हिल असं आहे आणि यावर समीर चिडतात. पुढे ती समीरला “हे मलबार हिल आहे की मलाबा हिल?” असं विचारते. यावर समीर तिला “मला त्रास देऊ नको. तु तुझं काम कर” असे चिडून म्हणतात.
आणखी वाचा – Video :…अन् किरण रावने गाणं गाताच नवऱ्याबरोबर डान्स करु लागली आमिर खानची लेक, संगीत मैफिल रंगली आणि…
दरम्यान, क्रांतीने शेअर केलेल्या या मजेशीर व्हिडीओला नेटकऱ्यांनी लाईक्स व कमेंट्स करत चांगलाच प्रतिसाद दिला आहे. या व्हिडीओखाली नेटकऱ्यांनी “मला एका सेकंदासाठी असे वाटले की समीर क्रांतीचा फोन घेईल आणि बाहेर फेकून देईल, चिडवायला जास्त आवडते वाटत तुम्हाला, कॉलेजची सवय अजून गेली नाही वाटतं, तू त्याला ज्या प्रकारे चिडवतोस ते मला आवडते. कॉलेजच्या दिवसात तू त्याला अशीच चिडवत असशील ना?” अशा अनेक कमेंट्स करत या व्हिडीओवर पसंती दर्शवली आहे.