‘बिग बॉस १७’शोला इतर सीझनप्रमाणेच प्रेक्षकांचा भरभरुन प्रतिसाद मिळत आहे. घरातील सदस्यांची भांडणं, नाती विशेष चर्चेत आली आहेत. त्यापैकी एक जोडपं आणि त्यांच्यामधील खासगी विषय सध्या चर्चेचा विषय ठरत आहेत. ते जोडपं म्हणजे अंकिता लोखंडे व विकी जैन. अंकिता व विकी यांच्या नात्यामध्ये दिवसेंदिवस दुरावा निर्माण होत आहे. दोघांमध्ये नात्याविषयी असलेला विश्वासही आता नाहीसा होत आहे. त्यांचा ‘बिग बॉस’च्या घरातील भांडणाचा एक नवा व्हिडीओ सध्या सोशल मीडियावर व्हायरल होत आहे. अंकिता–विकीमध्ये वाद होण्यामागचं कारण मन्नारा चोप्रा आहे. (Bigg Boss 17 : Ankita Lokhande And Vicky Jain Fight)
‘बिग बॉस’चा नवा प्रोमो समोर आला आहे. या प्रोमोमध्ये दोघंही जोरदार भांडताना दिसत आहेत. विकी मन्नाराबरोबर एकत्रित वेळ घालवतो. दरम्यान तिला विचारतो, “तू रात्री जेवली का नाही? तसेच तू दुःखी वाटत होतीस”. विकीचं हे बोलणं अंकिता लांबूनच ऐकते. तिला राग अनावर होतो आणि ती रुममधून निघून जाते. अंकिताला राग आला असल्याचं विकीला कळतं. तो हातात असलेली खाण्याचा बाऊल घेऊन तिच्या पाठी पाठी जातो.
अंकिता विकीजवळ जाऊन एका टेबलवर बसते. त्याचदरम्यान म्हणते, “तू मन्नाराबरोबर बसलास तरी मला काही त्रास नाही”. यावर विकीचाही राग अनावर होतो. तो म्हणतो, “तू दिवसभर मुन्नाबरोबर बसून जेवते, चहा पिते. तेव्हा मी तुला काहीच बोलत नाही”. अंकिता यावर उत्तर देत म्हणते की, “मी संपूर्ण दिवस त्याच्याबरोबरच बसून राहत नाही. तू अधिक वेळ मन्नाराबरोबरच असतो”. दोघांमध्ये जोरदार भांडण होतं.
यावर उत्तर देत विकी म्हणतो, “मी तिच्याजवळ जाणार. त्यामध्ये काय चुकीचं आहे” शिवाय विकी त्याची आई ‘बिग बॉस’मध्ये येऊन अंकितासाठी जे बोलते तेच वाक्य पुन्हा बोलतो. तो म्हणतो, “मुन्नवर जेव्हा दुःखी असतो तेव्हा तू त्याला मिठी मारते. त्याचा हात पकडते. तू करते तेव्हा मी तुला सूट देतो. तू जर मुन्नवरशी बोलणार नसशील तर मी मन्नाराबरोबर बोलणार नाही.” अंकिता व विकीच्या वादामाध्ये प्रेक्षकांनी विकीला पाठिंबा दिला आहे.
