Tharal Tar Mag: ‘स्टार प्रवाह’ वाहिनीवरील ‘ठरलं तर मग’ ही मालिका सध्या रंजक वळणावर आहे. दरम्यान नुकताच मालिकेचा एक प्रोमो समोर आला आहे. ज्यामध्ये रविराज व प्रतिमा यांचा २२ वर्षांपूर्वी जो अपघात झाला होता त्याचा मास्टरमाइंड दुसरा-तिसरा कोणी नसून नागराज किल्लेदार होता याचा खुलासा मालिकेत होणार आहे. गेल्या काही दिवसांपासून सायली-अर्जुन या सत्याच्या शोधात होते. त्याचबरोबर सुमन काकूला किडनॅप करण्यामागे सुद्धा नागराजच आहे हे सत्य उघडकीस आल्यावर सायली-अर्जुन या दोघांनाही मोठा धक्का बसतो. आता मालिकेत आणखी एक मोठा ट्विस्ट प्रेक्षकांना पाहायला मिळणार आहे.
रविराज व प्रतिमाच्या अपघातामागे महिपत शिखरेचा हात आहे. हे आधीच सर्वांसमोर उघड झालेलं आहे. पोलिसांच्या ताब्यात असलेल्या महिपतची अर्जुनने कसून चौकशी केली. मात्र, नागराजनं दिलेल्या धमकीमुळे महिपत कबुली देत नाही. पण, या सगळ्या प्लॅनचा मुख्य मास्टरमाइंड कुणीतरी वेगळाच आहे याची खात्री अर्जुनला असते. नागराजचा यामध्ये हात असल्याचा संशय अर्जुन-सायलीला असतो. त्यासाठी अर्जुन-सायलीच्या प्लॅनमध्ये सुमनही सहभागी होते.पण, आता नागराजच या सगळ्याचा मास्टरमाइंड आहे हे सत्य समोर आलं आहे. तर सायली-अर्जुनशी हातमिळवणी करणं सुमनला चांगलंच महागात पडणार आहे. घरी आल्यावर नागराज तिला मारहाण करतो आणि तिच्यासमोर आपल्या गुन्ह्याची कबुली देतो. पण, या सगळ्याचं दाराआडून रेकॉर्डिंग केलं जातं. हा व्हिडीओ आता अर्जुन-सायलीपर्यंत पोहोचणार आहे असं प्रोमोमध्ये दाखवण्यात आलं आहे. (Tharal Tar Mag)
तर आता हा व्हिडीओ सायली आणि अर्जुच्या हाती लागला आहे. अखेर नागराजचं खरं रूप समोर आल्यावर सायली आणि अर्जुन आता नेमकं काय करणार? आणि त्यावर रविराजची काय प्रतिक्रिया असेल, हे पाहणं उत्सुकतेचं ठरणार आहे. (Tharal Tar Mag)
