TMKOC Fame Mandar Chandwadkar Post : टेलिव्हिजनमध्ये सर्वाधिक लोकप्रिय आणि दीर्घकाळ चालणाऱ्या मालिकांपैकी एक मलिका म्हणजे ‘तारक मेहता का उल्टा चश्मा’ गेल्या अनेक वर्षांपासून प्रेक्षकांचं मन जिंकत आहे. २००८ साली सुरू झालेल्या या मालिकेने आजवर विविध वयोगटांतील प्रेक्षकांना खळखळून हसवलं असून, गोकुळधाम सोसायटीमधील प्रत्येक पात्र घराघरात पोहोचलं आहे. या मालिकेतील गोकुळधाम सोसायटी ही विविधतेचं प्रतिक मानल जातं. देशातील वेगवेगळ्या राज्यांमधील कुटुंबं एकत्र राहत असल्यामुळे सण-उत्सव असो वा एखादं संकट, सगळे एकमेकांच्या पाठीशी उभे राहतात. प्रत्येक पात्राच्या खास स्वभावामुळे ही मालिका प्रचंड लोकप्रिय ठरली आहे.
मालिकेत आत्माराम भिडे उर्फ भिडे मास्तर ही भूमिका साकारणारे अभिनेते मंदार चांदवडकर यांचा चाहतावर्गही मोठा आहे. मालिकेतील शिस्तप्रिय भिडे मास्तर जसे प्रेक्षकांना भावतात, तसेच मंदार चांदवडकर सोशल मीडियावरही आपल्या साध्या आणि दिलखुलास पोस्टमधून लक्ष वेधून घेत असतात. नुकताच मंदार चांदवडकर यांनी सोशल मीडियावर एक खास व्हिडीओ शेअर केला असून, तो सध्या चांगलाच व्हायरल होत आहे. या व्हिडीओमध्ये ते सांगली जिल्ह्यातील बहेगाव परिसरात रस्त्यावरील एका विक्रेत्याजवळ थांबलेले दिसतात. या विक्रेत्याकडे चणे, फुटाणे, लेमन गोळी यांसारखे पारंपरिक खाण्याचे पदार्थ असल्याचं पाहायला मिळतं.
आणखी वाचा – ‘कमळी’च्या रेट्रो पार्टीमध्ये कमळी-ऋषीचा जबदस्त डान्स; रेट्रो लूकने वेधलं लक्ष, चाहत्यांकडून कौतुकाचा वर्षाव
व्हिडीओमध्ये मंदार चांदवडकर विक्रेत्याला पदार्थांची किंमत विचारतात, तेव्हा विक्रेता हे सगळं फक्त पाच रुपयांत मिळत असल्याचं सांगतो. यावर प्रतिक्रिया देताना मंदार म्हणतात, “आपण २०२६ मध्ये आलो आहोत आणि आजही पाच रुपयांत गोष्टी मिळतात.” यानंतर ते कॅमेऱ्याकडे पाहत, “हे सगळं पाहून तुम्हाला काही आठवलं का?” असा मजेशीर प्रश्न विचारतात. इतकंच नाही तर ते त्या विक्रेत्याकडून गांधी टोपी मागून डोक्यावर घालतात आणि पाच रुपयांची लेमन गोळी घेत म्हणतात, “ही आमच्या जमान्यातली लेमन गोळी आहे, याची मजाच वेगळी आहे.” या क्षणांमधून त्यांचा साधेपणा आणि आठवणींशी असलेली नाळ स्पष्टपणे दिसून येते.
आणखी वाचा – ‘तुला पाहते रे’ फेम अभिनेत्रीचं ठरलं! लवकरच अडकणार लग्नबंधनात, सुपारी फुटली अन्…
हा व्हिडीओ शेअर करताना मंदार चांदवडकर यांनी “आमच्या जमान्याची आठवण आली” अशा भावना व्यक्त केल्या आहेत. त्यांच्या या पोस्टला चाहत्यांनी भरभरून प्रतिसाद दिला असून, अनेकांनी कमेंट्समधून जुन्या दिवसांच्या आठवणी शेअर केल्या आहेत. याशिवाय चाहत्यांनी देखील अभिनेता मंदार चांदवडकर यांच्या या पोस्टवर भरभरून लाईक आणि कमेंट करत कौतुकाचा वर्षाव केला आहे.
