Kajal Kate Reaction On Participating Bigg Boss Marathi 6: बिग बॉस मराठी ६सुरु व्हायला अवघे काही दिवसच उरले आहेत. आणि यंदाच्या पर्वाचं सूत्रसंचालन देखील रितेश देशमुखच करणार आहे. यंदाच्या सीझनमध्ये कोणते स्पर्धक असतील, याबद्दल सोशल मीडियावर तुफान चर्चा रंगताना दिसते. अशातच एका मराठी अभिनेत्रीने बिग बॉस मराठीमध्ये सहभागी होण्यासंदर्भात सोशल मीडियावर पोस्ट केली आहे. ‘माझी तुझी रेशीमगाठ’ फेम अभिनेत्री काजल काटे ‘बिग बॉस’ मराठीच्या सहाव्या पर्वात सहभागी होणार अशा चर्चा सोशल मीडियावर रंगल्या होत्या. तर आता काजलने याबद्दल प्रतिक्रिया दिली आहे. तसेच ती बिग बॉस मराठी ६ मध्ये सहभागी होणार की नाही, तेही तिने स्पष्ट केलं आहे.
आणखी वाचा: ‘तुला पाहते रे’ फेम अभिनेत्रीचं ठरलं! लवकरच अडकणार लग्नबंधनात, सुपारी फुटली अन्…
काजल काटेने सोशल मीडियावर एक पोस्ट केली आहे. ही पोस्ट शेअर करत तिने लिहिलं, “मी बिग बॉस मराठीमध्ये जात असल्याची चर्चा मला खूपच आवडली. शुभेच्छा देत आहात त्यासाठी धन्यवाद. पण मला इथे स्पष्ट करायला आवडेल की या सीझनमध्ये तरी मी बिग बॉस मराठीच्या घरात जात नाही. तुमचं प्रेम कायम ठेवा. भेटू लवकरच,” असं लिहून काजल काटेने ती बिग बॉस मराठीच्या सहाव्या सीझनमध्ये सहभागी होणार नसल्याचं स्पष्ट केलं आहे. (Kajal Kate Reaction On Participating Bigg Boss Marathi 6)
दरम्यान तिच्या या पोस्टवर चाहत्यांनी कंमेंट्स केल्या आहेत. तुम्ही गेला असता तर बिग बॉस मराठी बघण्यासाठी कारण भेटलं असतं. तुम्ही गेला असतात तर काय चार्म राहिला असता. पुढच्या सीझन ला या नक्की, खरं सांगू तर बिलकुल जाऊ नकोस कधीच, ‘बिग बॉस’ नाही नवीन भूमिका, अशा कमेंट्स काजल काटेच्या पोस्टवर चाहत्यांनी केल्या आहेत. (Kajal Kate Reaction On Participating Bigg Boss Marathi 6)
