‘नटरंग’, ‘टाईमपास’, ‘न्यूड’ अश्या गाजलेल्या मराठी चित्रपटांचे दिग्दर्शक रवी जाधव गेल्या अनेक दिवसांपासून चर्चेत आहेत. रवी यांच्याकडे कलाक्षेत्राची कोणतीही पार्श्वभूमी नसताना ते आज जिथं आहेत, ते नक्कीच कौतुकास्पद आहे. मात्र, त्यांचा हा प्रवास खूप संघर्षमय होता. त्यामुळेच प्रेक्षकांना त्यांचे चित्रपट हे नेहमी भावतात. केवळ मराठी नव्हे, तर हिंदी सिनेसृष्टीतही त्यांनी आपल्या दिग्दर्शन कौशल्य दाखवलं आहे. याची प्रचिती प्रेक्षकांना ‘ताली’ या वेबसीरिजमधून पाहायला मिळाली आहे. कलाक्षेत्राबरोबर सोशल मीडियावर सक्रिय असलेल्या रवी यांनी नुकतीच एक आनंदाची बातमी शेअर केली आहे. (Ravi Jadhav buys a new Car)
रवी जाधव यांनी नुकतीच एक आलिशान कार खरेदी केली आहे. त्यांनी ही आनंदाची बातमी त्यांच्या चाहत्यांसमोर सोशल मीडियावर शेअर केली आहे. रवी यांनी ‘Toyota Hycross ZX(O)’ ही पर्यावरणपूरक आलिशान कार खरेदी केली आहे. यावेळचा एक व्हिडिओ त्यांनी आपल्या शेअर केली आहे.
हे देखील वाचा – स्वप्नील जोशीचं निर्मिती क्षेत्रात पदार्पण, पहिल्या चित्रपटाची केली घोषणा, म्हणाला, “आईचा आशीर्वाद…”
शेअर केलेल्या या व्हिडिओमध्ये रवी व त्यांच्या पत्नी मेघना जाधव या कारची प्रक्रिया पूर्ण करताना दिसतात. यावेळी या दोघांच्याचेहऱ्यावर एक वेगळा आनंद दिसत होता. रवी जाधव यांनी खरेदी केलेल्या या आलिशान कारची किंमत ३० लाखांच्या आसपास असल्याचं बोललं जात आहे. दरम्यान, रवी यांच्या या व्हिडिओवर कलाकार मंडळींसह अनेक चाहत्यांनी कमेंटद्वारे शुभेच्छांचा वर्षाव करत आहेत.
हे देखील वाचा – हॉलिवूड अभिनेत्री पाईपर लॉरी यांचे वयाच्या ९१ व्या वर्षी निधन, ऑस्कर पुरस्कारासाठी मिळाले होते नामांकन, एमी पुरस्काराने देखील केले होते सन्मानित
दरम्यान, तालीनंतर रवी जाधव सध्या माजी पंतप्रधान अटलबिहारी वाजपेयी यांच्या जीवनावर आधारित चित्रपटाचे दिग्दर्शन करत आहे. ज्यामध्ये अभिनेता पंकज त्रिपाठी मुख्य भूमिका साकारणार आहे. त्याचबरोबर, ते आणखी एका मराठी चित्रपटाचे दिग्दर्शन करणार चाहते त्यांच्या आगामी चित्रपटाची आतुरतेने वाट पाहत आहे.
