वीर सावरकर यांच्यावर आधारित रणदीप हुडा दिग्दर्शित ‘स्वातंत्र्यवीर सावरकर’ हा चित्रपट लवकरच रसिक प्रेक्षकांच्या भेटीस येणार आहे. बऱ्याच दिवसांपासून या चित्रपटाची चर्चा सुरु असल्याचं पाहायला मिळत आहे. वीर सावरकरांच्या जीवनावर आधारित असलेला हा चित्रपट येत्या २२ मार्च रोजी सिनेरसिकांच्या भेटीस येणार आहे. या चित्रपटात वीर सावरकरांच्या भूमिकेत रणदीप हुड्डा याला पाहायला मिळणार आहे. तर वीर सावरकर यांच्या पत्नीची भूमिका अभिनेत्री अंकिता लोखंडे साकारणार आहे. (Swatantra Veer Savarkar Movie)
काही दिवसांपूर्वी या चित्रपटाचा ट्रेलर लॉंच सोहळा अगदी दिमाखात करण्यात आला होता. त्यांनतर या चित्रपटाचा मराठी ट्रेलर देखील लॉंच करण्यात आला. सुबोध भावे याने चित्रपटात मराठी भाषेत सावरकरांचा आवाज दिला आहे. ट्रेलर आल्यापासून महात्मा गांधी व सुभाषचंद्र बोस यांची भूमिका कोण साकारणार? हा प्रश्न सर्वांना पडला होता. अशातच ‘झी स्टुडिओ’च्या अधिकृत इन्स्टाग्राम पेजवरुन महात्मा गांधी व सुभाषचंद्र बोस यांचे पोस्टर समोर आले असून ही भूमिका कोण साकारणार हे समोर आलं आहे.
या पोस्टरवरुन सुभाषचंद्र बोस यांची भूमिका ब्रजेश झा साकारणार आहे. चित्रपटाचा ट्रेलर पाहून सुभाषचंद्र बोस यांची भूमिका सचिन पिळगांवकर साकारणार असल्याची चर्चा होती. पण सुभाषचंद्र बोस यांच्या भूमिकेत अभिनेता ब्रजेश झा पाहायला मिळणार आहे. अखेर पोस्टर समोर आल्यामुळे ब्रजेश झा ‘स्वातंत्र्यवीर सावरकर’ चित्रपटात पाहायला मिळणार, हे निश्चित झालं आहे. तर महात्मा गांधी यांच्या भूमिकेत राजेश खेरा पाहायला मिळणार आहे.
‘स्वातंत्र्यवीर सावरकर’ चित्रपटात सुभाषचंद्र बोस यांची भूमिका ब्रजेश झा साकारणार आहेत. आजवर ब्रजेश याने आपल्या अभिनयाने रसिक प्रेक्षकांची मन जिंकली आहेत. तर राजेश खेरा याने देखील त्याच्या अभिनयाने रसिक प्रेक्षकांची मन जिंकली आहेत. ‘स्वातंत्र्यवीर सावरकर’ चित्रपटात सुभाषचंद्र बोस यांच्या भूमिकेत ब्रजेश यांना तर महात्मा गांधी यांच्या भूमिकेत राजेश यांना पाहायला प्रेक्षक उत्सुक असल्याचं पाहायला मिळत आहे
