शेफाली जरीवालाच्या निधनानंतर संपूर्ण कलाविश्वालाच मोठा धक्का बसला. अवघ्या ४२व्या वर्षी तिने जगाचा निरोप घेतला. शेफालीचा पती पराग त्यागी आणि संपूर्ण कुटुंबियांवर दुःखाचा डोंगर कोसळला आहे. सगळं काही सुरळीत सुरु असताना अचानक शेफालीला काय झालं? अशा विविध चर्चा सुरु झाल्या. तरुण दिसण्यासाठी शेफाली घेत असलेल्या औषधांमुळे हे सगळं झालं का? असेही तर्क लावले गेले. मात्र हृदय विकाराच्या झटक्यामुळेच शेफालीचं निधन झालं असल्याची प्राथमिक माहिती समोर आली. सततच्या नकारात्मक चर्चा, तिच्या मृत्यूचं कारण यामुळे कुटुंबालाही त्रास होत आहे. पण यासगळ्यामध्ये शेफालीची जवळची मैत्रीण पूजा घई हिने बरेच खुलासे केले आहेत. यामुळे शेफालीला नक्की काय झालं होतं? हे समोर आलं आहे. (Shefali Jariwala death reason)
शेफाली एंटी एजिंग ट्रिटमेंट घेत होती हे तिच्या निधनानंतर डॉक्टरांनी सांगितलं होतं. मात्र त्याचा हृदयविकाराच्या झटक्याशी काहीही संबंध नाही हेही त्यांनी स्पष्ट केलं होतं. अशातच विक्की ललवानीला दिलेल्या मुलाखतीत पूजाला शेफालीच्या याच ट्रिटमेंटबाबत विचारण्यात आलं. तेव्हा तिने अगदी स्पष्ट शब्दांमध्ये उत्तर दिलं. सततच्या होणाऱ्या नकारात्मक चर्चांना पूजाने फुलस्टॉप दिला आहे.
पूजा म्हणाली, “कोणावरही खासगी कमेंट करणं योग्य नाही. मला असं वाटतं अशाप्रकारची ट्रिटमेंट प्रत्येकजण घेत असतो. आणि प्रत्येकाला याची गरजही आहे. ही ट्रिटमेंट अगदी सर्वसामान्य आहे. तुम्ही जर दुबईमध्ये गेलात तर प्रत्येक रस्त्यावरील क्लिनिकमध्ये, सलॉनमध्ये व्हिटॅमिन सी ड्रिप दिसतील. अंतिम संस्कारांसाठी शेफालीला जेव्हा घरी आणण्यात आलं तेव्हा खूप दुःख झालं. पण तरीही ती खूप सुंदरच दिसत होती”. मित्र मंडळींमध्ये शेफालीच सुंदर दिसत असल्याचं पूजाने सांगितलं.
आणखी वाचा – आमिर, शाहरुख व सलमान खान रात्रभर पितात दारू, एकमेकांबरोबर बरेच वाद करुनही…; मिस्टर परफेक्शनिस्टकडून पोलखोल
पुढे पूजा म्हणाली, “व्हिटॅमिन सी घेणं हे खूपच सामान्य आहे. काही लोक याची फक्त गोळी घेतात. तर काही जणं IV ड्रिप लावून ट्रिटमेंट घेतात. निधनाच्या दिवशीही शेफालीने IV ड्रिप घेतलं होतं. कारण ज्या व्यक्तीने IV ड्रिप शेफालीला दिलं होतं त्याचीही चौकशी करण्यात आली. तेव्हा त्याच्या बोलण्यामधून तिच्या या ट्रिटमेंटबाबत माहिती समोर आली”. शेफालीच्या अंतिस संस्कारादरम्यान पूजा होती. तिने यादरम्यान संपूर्ण परिस्थिती सांभाळली. पूजाचे व्हिडीओ व्हायरल झाल्यानंतर ती शेफालीची बहीण आहे असं बोलण्यात आलं होतं.
