“वाटलं नव्हतं असा दिवस येईल”, लॉस एंजेलिसमध्ये लागलेली आग पाहून घाबरली प्रिती झिंटा, सांगितली कशी आहे परिस्थिती?

Preity Zinta Emotional : लॉस एंजेलिसमधील भीषण आगीदरम्यान बॉलिवूड अभिनेत्री प्रीती झिंटाने सोशल मीडियावर एक पोस्ट शेअर केली आहे, ज्यामध्ये तिने स्वतःच्या आणि तिच्या कुटुंबाच्या सुरक्षिततेच्या स्थितीबद्दल माहिती दिली आहे. प्रसिद्ध अभिनेत्री प्रीती झिंटा लग्नानंतर चित्रपटसृष्टीपासून दूर आहे. २०१६ मध्ये जीन गुडइनफशी लग्न केल्यानंतर, ती भारत आणि लॉस एंजेलिस असा प्रवास करते. अलीकडेच, तिने इंस्टाग्रामवर तिच्या चाहत्यांना आश्वासन दिले की, ती शहराला वेढलेल्या मोठ्या जंगलातील आगीपासून सुरक्षित आहे. या संकटाच्या काळात, प्रीतीने तिची आणि तिथे राहणाऱ्या इतरांची कठीण परिस्थिती सोशल मीडियावर शेअर केली.

प्रीती झिंटाने X वर लिहिले, “मी कधीच कल्पना केली नव्हती की असा दिवस येईल. जेव्हा आग आपल्या आजूबाजूचा परिसर नष्ट करेल. आपले मित्र आणि कुटुंबियांना बाहेर काढले जाईल किंवा त्यांना हाय अलर्टवर ठेवण्यात येईल. धुराने भरलेल्या आकाशातून राख बर्फासारखी पडेल”.

आणखी वाचा – अर्चना पूरण सिंहच्या मड आयलंड बंगल्यात नवऱ्यासह पोहोचली भारती सिंग, भव्यता पाहून दोघेही झाले थक्क

I never thought I would live to see a day where fires would ravage neighbourhoods around us in La, friends & families either evacuated or put on high alert, ash descending from smoggy skies like snow & fear & uncertainty about what will happen if the wind does not calm down with…

— Preity G Zinta (@realpreityzinta) January 11, 2025

प्रीतीने पुढे म्हटलंय, “जर वारा शांत झाला नाही तर काय होईल याबद्दल इतकी भीती आणि अनिश्चितता असेल असे कधीच वाटले नव्हते, कारण आमच्याबरोबर लहान मुले आणि आजी आजोबा आहेत. ही विध्वंसता पाहून मला वाईट वाटते आणि मी देवाचे आभार की आम्ही आता सुरक्षित आहोत”. त्यांनी पुढे लिहिले, “या आगीत जे विस्थापित झाले आहेत आणि ज्यांनी सर्वस्व गमावले आहे त्यांच्याबरोबर माझे विचार आणि प्रार्थना आहेत. आशा आहे की वारे लवकरच शांत होतील आणि आग आटोक्यात येईल. अग्निशमन विभाग, खूप खूप धन्यवाद. अग्निशमन दलाचे कर्मचारी आणि जीव-मालमत्ता वाचवणारे सर्वजण सुरक्षित रहा”.

आणखी वाचा – ‘तारक मेहता…’ फेम गुरुचरण सिंहवर इतक्या कोटींचे कर्ज, हॉस्पिटलमध्ये उपचारही सुरु, जवळच्या मैत्रिणीचा खुलासा

प्रीती व्यतिरिक्त, आणखी एक बॉलिवूड अभिनेत्री प्रियांका चोप्रानेही लॉस एंजेलिसमधील आगीबद्दल चिंता व्यक्त केली. प्रियांका तिचा पती निक जोनास आणि मुलगी मालती मेरी जोनासबरोबर लॉस एंजेलिसमध्ये राहते. तिने तिच्या इंस्टाग्राम स्टोरीवर लिहिले, “मला आशा आहे की आपण सर्वजण आज रात्री सुरक्षित राहू”. प्रियांकाने अग्निशमन दलाचे आभार मानले आणि आगीच्या दृश्याचा फोटो शेअर केला. तिने तिच्या घरातून ही आग पाहिली.