prajakta gaikwad pandharpur photo : ‘स्वराज्यरक्षक संभाजी’ या लोकप्रिय मालिकेतून घराघरात पोहोचलेली अभिनेत्री म्हणजेच प्राजक्ता गायकवाड. या ऐतिहासिक मालिकेतून प्राजक्ताने साकारलेल्या भूमिकेने प्रेक्षकांच्या मनावर राज्य केलं. या मालिकेत तिने महाराणी येसूबाईंची भूमिका साकारली होती. याशिवाय ‘नांदा सौख्यभरे’, ‘संत तुकाराम’, ‘आई माझी काळुबाई’ या मालिकांमध्ये ही प्राजक्तानं महत्त्वपूर्ण भूमिका साकारल्या. सोशल मीडियावर ही प्राजक्ताचा बऱ्यापैकी वावर असलेला पाहायला मिळतो. नेहमीच काहीना काही शेअर करत ती चाहत्यांच्या संपर्कात राहत असते. अशातच काही दिवसांपूर्वी प्राजक्तानं लवकरच ती लग्न बंधनात अडकणार असल्याची आनंदाची बातमी चाहत्यांना दिली.;
पाहुणे मंडळींच्या कुंकवाच्या कार्यक्रमाचे फोटो असे कॅप्शन देत प्राजक्ताने लग्न ठरल्याची गुडन्यूज दिली. त्यामुळे प्राजक्ताचा होणारा नवरा कोण आहे याकडे साऱ्यांच्या नजरा लागून राहिल्या होत्या. मात्र यावेळी प्राजक्ताने तिच्या होणाऱ्या नवऱ्याचा फोटो काही दाखवला नाही. त्यानंतर थेट साखरपुड्याच्या दिवशी प्राजक्ताने तिच्या नवऱ्याबरोबरचा फोटो शेअर करत साखरपुडा झाल्याची गुडन्यूज दिली. ७ ऑगस्ट 2025 रोजी प्राजक्ताचा अगदी थाटामाटात साखरपुडा समारंभ पार पडला. प्राजक्ताच्या होणाऱ्या पतीचे नाव शंभूराज आहे. मालिकेतही छत्रपती संभाजी महाराज यांच्या पत्नीचीच म्हणजे शंभूराजांच्या पत्नीची भूमिका प्राजक्ताने साकारली होती आणि खऱ्या आयुष्यातही तिच्या पतीचे नाव देखील शंभूराज असल्याने हा योगायोगच म्हणायला हरकत नाही.
आता साखरपुडा पार पडल्यावर प्राजक्ता शंभूराज यांच्यासह पंढरपूरला विठू माऊलीचा दर्शन घेण्यासाठी पोहोचली. या मागच एक खास कारण म्हणजे श्रावणातील एकादशी. श्रावणातील एकादशी निमित्त प्राजक्ता आणि शंभुराज यांनी विठू माऊलीचे दर्शन घेतले. मंदिरात विठुरायाचा आशीर्वाद घेतानाचा सुंदर फोटो शंभूराज यांनी सोशल मीडियावर शेअर केला आहे. शंभूराज यांनी फोटो शेअर करत याला एकादशी विठ्ठल माऊली असं कॅप्शन दिलं आहे. त्यांच्या या फोटोवर कमेंटचा वर्षाव होताना पाहायला मिळतोय.
लग्नाआधी प्राजक्ता आणि शंभूराज यांनी देवदर्शन केल्याने चाहत्यांची मन जिंकली आहेत. ‘विठ्ठल रुक्मिणी’, ‘तुमची जोडी खूपच सुंदर आहे’, ‘आयुष्याची नयनरम्य वाटचाल करत असताना कसल्याही प्रकारचे दुःख वाट्याला येऊ नये हीच विठुरायाच्या चरणी प्रार्थना’, अशा अनेक प्रतिक्रिया करत त्यांच्या फोटोवर लाईक्सचा वर्षाव केला आहे.
