Siddharth Venugopal actor death news : मल्याळम टेलिव्हिजन इंडस्ट्रीतील प्रसिद्ध टीव्ही अभिनेता सिद्धार्थ वेणुगोपालचे निधन झाले आहे. काही काळापासून तो आजारी होता. अभिनेत्री सीमा जी नायर यांनी फेसबुकवर शेअर केलेल्या भावनिक पोस्टमध्ये त्याच्या निधनाची माहिती मिळाली. त्यांनी सांगितले की, सिद्धार्थ सुमारे दोन वर्षांपासून कर्करोगाशी झुंज देत होता. सीमा सिद्धार्थच्या तब्येतीची काळजी घेत होती. त्याने ‘कस्तुरीमन’ आणि ‘भाग्यजातकम’सह अनेक टीव्ही मालिकांमध्ये काम केले होते. या दु:खद बातमीने अभिनेत्याचे चाहते आणि सहकाऱ्यांना मोठा धक्का बसला आहे.
अभिनेत्याबाबत लिहीत आणि दु:ख व्यक्त करत अभिनेत्री सीमा जी नायर यांनी सोशल मीडियावर एक भावनिक चिठ्ठी शेअर केली, ज्यात लिहिले आहे, “सर्व आशा संपल्या आहेत… लोकप्रिय मालिका अभिनेता सिद्धार्थ वेणुगोपाल आता अशा जगात गेला आहे जिथे कोणतेही दुःख नाही… गेली दोन वर्षे मी तुझ्यासाठी लढत राहिले, माझे मन आणि शरीर पूर्णपणे थकले असतानाही मी धावत राहिले… आज तुझा जीव वाचवायचा नाही हे देवाने ठरवले आहे. मला पाहिजे… मला हे सिद्धार्थ सहन होत नाही, मी पूर्णपणे तुटले आहे”.
आणखी वाचा – झोपेच्या कमतरतेमुळे डायबिटीस, हृदयविकार, लठ्ठपणा, मानसिक समस्यांचा धोका वाढतो, जाणून घ्या यावर उपाय…
सिद्धार्थला श्रद्धांजली वाहताना अभिनेते किशोर सत्य यांनी लिहिले की, “आणखी एक कलाकार खूप लवकर आम्हाला सोडून गेला. सिद्धार्थ वेणुगोपाल हा टीव्ही मालिका प्रेक्षकांसाठी एक परिचित चेहरा होता. ते काही काळापासून कर्करोगाशी झुंज देत होते. आमच्या लाडक्या सीमाजी नायर त्यांच्या तब्येतीची काळजी घेत होत्या. दिवंगत शरन्यासह अनेकांना चित्रपटसृष्टीने नेहमीच प्रेम दिले आहे. त्याच्या वैद्यकीय गरजांसाठी मदत केली. सिद्धार्थच्या आत्म्याला शांती लाभो अशी मी प्रार्थना करतो आणि सीमाजी नायर यांच्या दयाळू हृदयासाठी मी नतमस्तक आहे”.
आणखी वाचा – “१६ वर्षाचीच मुलगी Lead हवी”, लीडच्या भूमिका न मिळण्यावर मराठी अभिनेत्रीच भाष्य, म्हणाली, “फुकट काम…”
कोण होता सिद्धार्थ वेणुगोपाल?
मूळचा त्रिशूरमधील चालकुडी येथील सिद्धार्थने ‘कस्तुरीमन’ आणि ‘भाग्यजातकम’ सारख्या लोकप्रिय मल्याळम मालिकांमध्ये केलेल्या अभिनयामुळे ओळख निर्माण झाली. अभिनयाची आवड लहानपणापासूनच होती, त्यामुळे महाविद्यालयीन जीवनातच त्यांनी व्यावसायिक रंगभूमीवर भाग घ्यायला सुरुवात केली. नंतर सादरकर्ता म्हणून काम केले. निर्माता अरुण घोष यांच्या मदतीने त्यांनी टेलिव्हिजनच्या दुनियेत प्रवेश केला. सिद्धार्थच्या कुटुंबात त्याची आई आणि लहान भाऊ आहे. काही वर्षांपूर्वी त्यांच्या वडिलांचे निधन झाले, त्यामुळे त्यांचे जाणे कुटुंबासाठी आणखी दुःखद झाले.
