टेलिव्हीजन अभिनेत्री दृष्टी धामी सध्या खूप चर्चेत आहे. लग्नाच्या नऊ वर्षानंतर तिच्या घरी काही दिवसांपूर्वी चिमुकलीचं आगमन झालं. ‘मधुबाला’ फेम अभिनेत्रीची गरोदरपणाच्या १० व्या महिन्यात प्रसूती झाली असून तिने एका मुलीला जन्म दिला. याची माहिती अभिनेत्रीने सोशल मीडियाच्या माध्यमातून तिच्या चाहत्यांना दिली. त्यानंतर सोशल मीडियासह सर्वच माध्यमातून तिच्यावर कौतुक आणि शुभेच्छांचा वर्षाव सुरु झाला. “ती आली आहे. २२ ऑक्टोबर २०२४. स्वर्गातून थेट आमच्या हृदयात. एक नवीन जीवन. एक नवीन सुरुवात”, असे कॅप्शन देत तिने लेकीच्या जन्माची गुडन्यूज देत इन्स्टाग्रामवर पोस्ट शेअर केली होती. या पोस्टवर अनेक कलाकार मंडळी तसेच मित्र-मंडळींनी शुभेच्छांचा वर्षाव केला आहे. (drashti dhami baby look)
अशातच आता दृष्टीने तिच्या मुलीचा पहिला फोटो सोशल मीडियावर शेअर केला आहे. तसेच तिने हा फोटो शेअर करत दिवाळीच्या सर्वांना शुभेच्छादेखील दिल्या आहेत. दृष्टीने शेअर केलेल्या फोटोमध्ये तिचा नवरा नीरज व मुलगी दिसून येत आहे. मात्र तिने बाळाचा चेहरा मात्र अद्याप गुलदस्त्यात ठेवला आहे. अभिनेत्रीने शेअर केलेल्या फोटोला सर्वांनीच पसंती दर्शवली आहे. तसेच अनेक कलाकार व नेटकऱ्यांनी तिला शुभेच्छादेखील दिल्या आहेत.
सोशल मीडियावर दृष्टीने फोटो शेअर केल्यानंतर अभिनेता विक्रांत मेस्सीने शुभेच्छा देत लिहिले की, “खूप खूप शुभेच्छा. तुमच्या कुटुंबावर नेहमीच देवाची कृपा राहुदे”. तसेच अमित साध, नकुल मेहता, पूजा गौर यांनीदेखील प्रतिक्रिया देत भावना व्यक्त केल्या आहेत.
दृष्टीने याआधी १४ जून रोजी गरोदर असल्याची घोषणा केली होती. नीरज व दृष्टी यांनी २०१५ साली लग्न केले. त्यामुळे लग्नाच्या नऊ वर्षानंतर आई होणार असल्याने ती खूपच आनंदी होती. दरम्यान दृष्टीच्या कामाबद्दल बोलायचे झाले तर ‘दुरंगा’ या वेबसीरिजमध्ये शेवटची दिसून आली होती. याआधी ती विवियन डिसेनाबरोबर ‘मधुबाला’ या मालिकेत दिसून आली. तसेच ‘सिलसिला- बदलते रिश्तो का’, ‘गीत हुई सबसे पराई’, एक था राजा एक थी रानी’, ‘परदेस मे है मेरा दिल’ या मालिकांमध्ये ती महत्त्वपूर्ण भूमिकेत दिसून आली आहे.
