वय वाढत असताना इच्छा, अपेक्षा मागे सोडूनच जगण्यात अर्थ नाही असं सातत्याने नीना गुप्ता सांगताना दिसतात. खासकरुन महिलांच्या प्रत्येक प्रश्नाबाबत त्या खुलेपणाने बोलतात. वयाची चाळीशी पार केल्यानंतर स्त्रिया स्वतःची ओळख विसरुन चुल-मूल यामध्येच रमतात असं नीना यांचं म्हणणं आहे. पण वय कितीही असलं तरी मनमोकळेपणाने आणि हौस-मौज पूर्ण करुन जगलं पाहिजे हे त्या ठामपणे सांगतात. नीना त्यांचं आयुष्यही अगदी असंच स्वच्छंदी जगतात. नीना यांनी नुकत्याच दिलेल्या एका मुलाखतीत स्त्रियांचं वाढतं व आणि त्यांच्या इच्छा याबाबत भाष्य केलं. तसेच त्या कसं आयुष्य जगतात? याविषयीही नीना यांनी सांगितलं. (Neena gupta wear bikini in bathroom)
नीना ‘मेट्रो इन दिनों’ चित्रपटात सुप्रसिद्ध अभिनेते अनुपम खेर यांच्याबरोबर काम करताना दिसणार आहेत. याच चित्रपटाच्या प्रमोशनमध्ये सध्या त्या व्यग्र आहे. ‘मेट्रो इन दिनों’च्या निमित्ताने त्यांनी इंडिया टुडेला मुलाखत दिली. यावेळी उतरत्या वयातील प्रेम, रोमान्स यांबाबत नीना यांनी भाष्य केलं. तसेच रोमान्स, प्रेम अजूनही करायला आवडतं असं नीना यांनी यावेळी सांगितलं.
नीना म्हणाल्या, “मी प्रेम, रोमान्स यासगळ्याशी सहमत आहे. अजूनही मला रोमान्सची जाणीव होते. रोमान्स फक्त सेक्स आणि आकर्षण याबाबतच नाही. तुम्हाला चांगलं वाटावं म्हणूनही रोमान्स महत्त्वाचा आहे. स्वतःला चांगलं वाटावं याची अनेक रुपं आहेत. मी माझ्या कपड्यांबरोबर रोमान्स करते. जेव्हा मी चांगल्या कपड्यांमध्ये तयार होते तेव्हा मला स्वतःला खूप छान वाटतं”.
आणखी वाचा – Video : आमिर खानचा लेक सलमान खानला भेटायला येताच बॉडीगार्डने धक्का मारत बाजूला काढलं अन्…; व्हिडीओ व्हायरल
“पहिल्या काळात मी कधीच बिकिनी घातली नाही. मी दिल्लीमधील ज्या घरातून आले होते तिथे अशी काही संस्कृतीच नव्हती. पण जेव्हा मी मुंबईला आले तेव्हा मी घरात बिकिनी घालायचे. बिकिनी घालून आरशासमोर उभी राहायचे. मला खूप छान वाटायचं. मी खूश व्हायचे. तेव्हा काही मोबाईल नव्हते. यालाही एक प्रकाराचा रोमान्सच म्हणतात. स्वतःच रोमान्स करा. खूश राहण्यासाठी वयाचं कोणतंच बंधन नसतं”. अगदी सुंदर शब्दांमध्ये नीना यांनी त्यांचे विचार मांडले.
