छोट्या पडद्यावरील ‘महाराष्ट्राची हास्यजत्रा’ कार्यक्रम गेली अनेक वर्ष प्रेक्षकांचे भरपूर मनोरंजन करत आहे. कार्यक्रमातील प्रत्येक कलाकारांची देश-विदेशात मोठी फॅन फॉलोविंग आहे. याच कार्यक्रमातून घराघरात पोहोचलेला लाडका अभिनेता म्हणजे गौरव मोरे. आपल्या वेगळ्या अंदाजात स्वतःची ओळख करणाऱ्या फिल्टरपाड्याचा बच्चनने आपल्या अचूक विनोदी टायमिंगने प्रेक्षकांना मनमुरादपणे हसवले आहे. छोट्या पडद्यावरून अभिनयक्षेत्रात पदार्पण करणाऱ्या गौरवला हास्यजत्रेतून लोकप्रियता मिळाली आहे. (Gaurav More new Hindi Film)
हास्यजत्रासह अनेक मालिका व चित्रपटांमध्ये गौरव मोरे दिसला आहे. त्याच्या दमदार अभिनयातून गौरवने मराठीसह हिंदी चित्रपटसृष्टीत वेगळी ओळख निर्माण केली आहे. प्रेक्षकांचा या लाडक्या बच्चनचं नशीब उजळलं असून तो लवकरच एका हिंदी चित्रपटात झळकणार आहे. ‘संगी’ असे या चित्रपटाचे नाव आहे. ज्यात गौरवसह ओटीटी विश्वातील अभिनेता शरीब हाश्मी, विद्या माळवदे, संजय बिष्णोई आदी कलाकार झळकणार आहे. चित्रपटाचे दिग्दर्शन सुमित कुलकर्णी करणार आहे.
अभिनेता शरीब हाश्मीने सोशल मीडियावर सेटवरील काही फोटोज शेअर केले आहे. “Team #Sangee ke Sang ❤️❤️❤️” असे कॅप्शन दिलेल्या या पोस्टमध्ये गौरवसह चित्रपटातील अन्य कलाकार दिसत आहे. त्याच्या या पोस्टवर चाहत्यांनी गौरवचे अभिनंदन करत त्याला या नव्या चित्रपटासाठी शुभेच्छा दिल्या आहेत.
हे देखील वाचा – “याच्या केसांना धक्का कोणी लावला?”, गौरव मोरेने केस कापल्यानंतर नेटकऱ्यांच्या मजेशीर कमेंट, समीर चौघुले म्हणाले, “हास्यजत्रेत…”
याआधी गौरव मोरे एका वेगळ्या कारणाने चर्चेत आला होता. गौरवने नुकताच त्याचा लुक बदलला असून ज्याची चर्चा सोशल मीडियावर जोरदार सुरु आहे. गौरवने नेमकं कोणत्या कारणासाठी केस कापले होते, हे कळलेले नव्हते. मात्र या चित्रपटासाठी त्याने स्वतःचा लुक बदलला का? अशी चर्चा सध्या रंगत आहे.
हे देखील वाचा – Video : “आम्हाला काय ऊत आलाय का?”, भर कार्यक्रमात जितेंद्र जोशी व अवधुत गुप्तेमध्ये जोरदार भांडण, व्हिडीओ व्हायरल
अभिनेता गौरव मोरे याआधी अनेक हिंदी चित्रपटात झळकला असून यात तो नेमकी कोणती भूमिका साकारणार आहे, हे अदयाप कळलेले नाही. मात्र, चाहते त्याला या नव्या भूमिकेत पाहण्यास उत्सुक आहेत. (Gaurav More new Hindi Film)
