lakshmi niwas promo : ‘लक्ष्मी निवास’ या मालिकेने अल्पावधीतच प्रेक्षकांचं प्रेम मिळवलं. ही मालिका गेल्या काही दिवसांपासून टीआरपीच्या शर्यतीतही असलेली पाहायला मिळाली. ही मालिका एका आशयघन नात्यांच्या गुंतागुंत असलेल्या विषयाने चर्चेत आहे. कलाकारांची फौज असलेली ही मालिका नेहमीच कथेत ट्विस्ट घेऊन रसिकांच्या भेटीस येताना दिसते. दरम्यान, मध्यंतरीच्या काळात एका पात्रामुळे मालिका ट्रोलही झालेली पाहायला मिळाली. मालिकेला ट्रोलिंगचा सामना करावा लागला तो म्हणजे जयंत या पात्रामुळे. मालिकेत जयंत हे पात्र काहीसं विचित्र दाखविण्यात आलं आहे त्यामुळे अनेकांच्या डोक्यात हे पात्र गेलं आहे असं म्हणणं चुकीचं ठरणार नाही.
कथेत जयंत हे पात्र अगदी विचित्र स्वभावाचं दाखविण्यात आलं. आपल्या पत्नीचे केवळ आपल्यावरच प्रेम राहावे वा तिचे त्याच्या व्यतिरिक्त इतर कोणीही कौतुकही करु नये असं जयंतला वाटत असतं. जयंतचा वाईट विचार नेहमीच जान्हवीला शिक्षा देताना दिसला. बरेचदा जयंतने जान्हवीवर संशयही घेतला. प्रेम सिद्ध करण्यासाठी त्याने जान्हवीला झुरळही खाण्यास सांगितलं. जान्हवीलाही कालांतराने जयंतचा विचित्र स्वभाव कळू लागला. यांत त्याचा स्वभाव नेमका असा का झाला आहे यामागे काय गुपित आहे?, त्याचा भूतकाळ काय याचा शोधही जान्हवी घेताना दिसली.
आणखी वाचा – ‘ठरलं तर मग’मध्ये पूर्णा आजीची रिप्लेसमेंट होणार?, ‘या’ लोकप्रिय अभिनेत्रीच्या नावाची चर्चा, फोटोही समोर
दुसरीकडे, जान्हवी जयंतला वठणीवर आणण्यासाठी एक गुडन्यूज देते. जान्हवी गरोदर असल्याचं जयंतला सांगते, हे ऐकून जयंत खुश न होता त्याला धडकी भरते आणि त्याच्या चेहऱ्यावरचा रंगच उडतो. जयंतला ही गुडन्यूज देण्यासाठी ती एक सरप्राईज प्लॅन करते. केक, फुलांची सजावट करत जयंत ही आनंदाची बातमी नवऱ्याला देते. बाळाच्या येण्याने जयंतचा स्वभाव बदलेल असं तिला वाटत असतं. पण ही बातमी ऐकून जयंतला मोठा धक्का बसतो.
तर येत्या काही दिवसांत जान्हवीकडे तिची आई आणि आजी राहायला येणार असतात. लक्ष्मी आणि शांता आजीच्या येण्याने जान्हवीचा थोडातरी त्रास कमी होणार असल्याचं पाहायला मिळणार आहे. जयंतच्या जाचातून जान्हवीची सुटका होणार आहे. पण या दोघींचं येणं जयंतला खटकणार का?, याकडे साऱ्यांच्या नजरा लागून राहिल्या आहेत. याशिवाय जान्हवी प्रेग्नेंट आहे ही गोष्ट त्याला पटणार का?, तो बाळाचे स्वागत करणार का हे पाहणंही मालिकेत रंजक ठरेल.
