Kunickaa Sadanand personal life : कुन्निका सदानंद सध्या ‘बिग बॉस १९’मुळे खूप चर्चेत आहे. याचबरोबर तिचे वैयक्तिक आयुष्यही जगासमोर आले आहे. या संदर्भात, अभिनेत्रीच्या मुलाने एका मुलाखतीत कुमार सानू यांच्याबरोबरच्या तिच्या नात्याबद्दल खुलासा केला. ‘बिग बॉस १९’ चा भाग असल्याने कुन्निका सदानंद सध्या बरीच चर्चेत आहे. याचबरोबर अभिनेत्रीच्या वैयक्तिक आयुष्याबद्दल आणि तिच्या अफेअर्सबद्दलच्या चर्चाही तीव्र झाल्या आहेत. शो दरम्यान, तिने तिच्या सहा वर्षांच्या अफेअरबद्दलही खुलासा केला, ज्यावरुन सर्वांनी असा अंदाज लावला की, ती लोकप्रिय गायक कुमार सानूबरोबरच्या तिच्या अफेअरबद्दल बोलत आहे.
कुन्निका सदानंदचा मुलगा अयान लालने त्याच्या आईचे कुमार सानूशी असलेल्या नात्याबद्दल सांगितले. ‘बिग बॉस’मध्ये तिने सांगितले की, आमचे नाते संपले असले तरी, कुनिका सदानंद अजूनही त्यांच्या प्रतिभेचा आदर करते. आता, सिद्धार्थ कन्नन यांच्याशी अलिकडेच झालेल्या मुलाखतीत, अयान लाल यांनी पुन्हा एकदा कुमार सानू आणि कुनिका सदानंद यांच्यातील नात्याबद्दल भाष्य केलं. त्याने सांगितले की, हे नाते तुटल्यानंतर अनेक वर्षांनी त्याचा जन्म झाला आणि तो कधीही कुमार सानूंना भेटला नाही.
आणखी वाचा – ‘आतली बातमी फुटली’चा धमाकेदार ट्रेलर समोर, तरुण कलाकारांसह ज्येष्ठांचीही धमाल आणि…
हाच मुद्दा नेत तो म्हणाला, अभिनेत्रीने नेहमीच कुमार सानूला तिच्या आयुष्याचा एक महत्त्वाचा भाग आणि तिचा सोलमेट मानले आहे आणि प्रत्येकाने आयुष्यात एकदा तरी असे प्रेम अनुभवले पाहिजे. पण ते नाते अत्यंत विषारी होते. कुमार सानूबरोबरचे तिचे प्रेमसंबंध ६ वर्षे चालले होते, हे अभिनेत्रीने आधीच उघड केले आहे. गायकाच्या वैवाहिक आयुष्यामुळे ते खासगी ठेवण्यात आले होते. जेव्हा हे नाते तुटले तेव्हा त्याचा खोलवर परिणाम झाला जो माझी आई अजूनही सहन करत आहे.
आणखी वाचा – ‘ठरलं तर मग’मध्ये पूर्णा आजीची रिप्लेसमेंट होणार?, ‘या’ लोकप्रिय अभिनेत्रीच्या नावाची चर्चा, फोटोही समोर
तसेच, अयान लालने मुलाखतीत म्हटले होते की, “जेव्हा माझ्या गर्लफ्रेंड होत्या, तेव्हा माझ्या आईचे बॉयफ्रेंड होते”. त्याने त्याच्या परस्पर समजूतदारपणाबद्दल आणि त्याच्या आईबरोबरच्या खोल नात्याबद्दल देखील सांगितले.
