Yogini Chauk Actress: कमळी’ ही छोट्या पडद्यावरील लोकप्रिय मालिका आहे. अल्पावधीतच या मालिकेने प्रेक्षकांचं मन जिंकून घेतलं.मालिकेत अभिनेत्री विजया बाबर आणि निखिल दामले यांची प्रमुख भूमिका असून या मालिकेतील आणखी एका भूमिकेने प्रेक्षकांचं लक्ष वेधून घेतलं आहे आणि ती भूमिका म्हणजे कमळीची आई. अभिनेत्री योगिनी चौक या मालिकेत कमळीच्या आईची म्हणजेच सरोजाची भूमिका साकारताना पाहायला मिळत आहे.
योगिनी चौकने नुकतीच ‘इट्स मज्जा’ च्या ‘ठाकुर विचारणार’ या सेगमेंटला मुलाखत दिली. यादरम्यान तिने वडिलांबद्दलचा भावुक प्रसंग सांगत ती म्हणाली, “रीतसर प्रशिक्षण मी घ्यायला हवं हे माझ्या बाबांचं स्वप्न होतं. ते प्रक्षिण मी पूर्ण केलं आणि मी अकॅडमीमध्ये मी पहिली आले. रिझल्ट घेऊन घरी आले तेव्हा बघितलं तर माझे बाबा गेले होते. तो रिझल्ट बघण्यासाठी माझे बाबा नव्हते. त्यानंतर त्या दुःखातून बाहेर येण्यासाठी माझ्या नातेवाईकांनी मला ‘महाराष्ट्राचा सुपरस्टार’ मध्ये सहभाग घेण्याचा सल्ला दिला आणि मी हा शो जिंकले.” (Yogini Chauk Actress)
तर अभिनेत्री योगिनी चौक हिच्याबद्दल सांगायचे झाल्यास, ‘झी मराठी’ वाहिनीवरील लोकप्रिय मालिका ‘कमळी’ या मालिकेत सध्या कमळीच्या आईची भूमिका साकारत आहे. तिच्या या भूमिकेचं खूप कौतुक देखील होताना पाहायला मिळत आहे. याशिवाय तिने अनेक मालिका आणि चित्रपटांत देखील काम केले आहे. (Yogini Chauk Actress)
