बॉलिवूडचा मिस्टर परफेक्शनिस्ट आमिर खानने आजवर त्याच्या अभिनयाने रसिक प्रेक्षकांची मनं जिंकली आहेत. सिनेसृष्टीतही तो त्याच्या उत्कृष्ट कामासाठी प्रसिद्ध आहे. आमिर खानचा खूप मोठा चाहतावर्ग आहे. मात्र या सुपरस्टारशी संबंधित एका विचित्र किस्स्याने साऱ्यांना धक्का बसेल. करिअरच्या सुरुवातीच्या टप्प्यात आमिर खान चित्रपटातील आपल्या फिल्मी हिरोइन्सच्या हातावर थुंकायचा. या त्याच्या कृतीमुळे त्याचे अनेकदा जुही चावलाबरोबर बरेच भांडणही झाले आहे. (Aamir Khan Incident)
‘इश्क’ चित्रपटाच्या सेटवर आमिरने जुही चावलाला सांगितले की, मला हात कसे पहायचे हे माहित आहे. अशा स्थितीत जुहीने तिच्या दिशेने हात पुढे करताच तो अभिनेत्रीच्या हातावर थुंकला आणि नंतर तेथून त्याने पळ काढला. आमिरच्या या कृतीने जुही इतकी नाराज झाली की, दुसऱ्या दिवशी ती शूटिंगसाठी आलीच नाही. अशा स्थितीत आमिरही तिच्यावर चिडला आणि त्यानंतर वर्षानुवर्षे दोघांमधील संवाद थांबला. मात्र, आता दोघांमध्ये चांगली मैत्री आहे.
आमिरने हा प्रॅन्क ‘धकधक’ गर्ल माधुरी दीक्षितबरोबरही पुन्हा केला होता. ‘दिल’ चित्रपटाच्या शूटिंगदरम्यान त्याने माधुरीला सांगितले होते की, तो तिच्या हाताकडे पाहून भविष्य सांगू शकतो. हे ऐकून अभिनेत्री खूप उत्साहित झाली आणि तिने आमिरला हात दाखवला. पण तिने हात पुढे करताच आमिर तिच्या तळहातावर थुंकला. यानंतर माधुरी चांगलीच संतापली आणि ती हॉकी स्टिक घेऊन आमिरच्या मागे धावली.
आमिरच्या या विचित्र वागण्याचा खुलासा खुद्द अभिनेत्याने सलमान खानच्या ‘दस का दम’ या शोमध्ये केला होता. आमिरने सांगितले होते की, तो हिरोईनला भविष्य सांगतो असा बहाणा करत त्यांच्या हातावर थुंकायचा. ‘मी ज्यांच्या हातावर थुंकलो त्या सगळ्या नायिका सुपरहिट झाल्या’, असे आमिर गमतीने म्हणाला. आमिर खानच्या वर्कफ्रंटबद्दल बोलायचे झाले तर, सध्या तो ‘लापता लेडीज’ चित्रपटामुळे चर्चेत आहे. आमिरने या चित्रपटाच्या निर्मितीची धुरा सांभाळली आहे. तर त्याची माजी पत्नी किरण राव यांनी या चित्रपटाचे दिग्दर्शन केले आहे. या चित्रपटाला प्रेक्षकांचा चांगला प्रतिसाद मिळाला.