कलर्स वाहिनीवरील ‘बिग बॉस १७’ हा लोकप्रिय शो दिवसेंदिवस अधिकच रंजक व गंमतीदार होत चालला आहे. शो मध्ये रोजच प्रत्येक स्पर्धकात कोणत्या ना कोणत्या कारणावरून वाद होताना दिसत आहेत. प्रेक्षकांनादेखील आता या भांडणाची सवय झाली आहे. ‘बिग बॉस’च्या घरातील अधिक लोकप्रिय झालेली व्यक्ती म्हणजे अभिनेत्री अंकिता लोखंडे. अंकिता ही सोशल मीडियावर कायमच चर्चेत असते. अंकिता ही कधी विकी जैनबबरोबर भांडताना दिसते, तर काही घरातील इतर स्पर्धकांबरोबर वाद घालताना दिसते. नुकतच तिचे मन्नाराबरोबर देखील भांडण झाले होते. अशातच ती ईशा मालवीयबरोबरच्या भांडणामुळे पुन्हा एकदा चर्चेत आली आहे. (Ankita Lokhande And Isha Malviya Fight Video)
कलर्सच्या अधिकृत इन्स्टाग्राम अकाऊंटद्वारे एक व्हिडीओ शेअर करण्यात आला आहे. ज्यात या दोघींमध्ये एका टास्कवरुन वाद झाल्याचे दिसत आहे. ‘बिग बॉस’च्या आगामी भागात एक मजेशीर टास्क होणार आहे. घरातील जो व्यक्ती एकदा सांगूनही त्याचे काम नीट करत नाही आणि त्याला उपचारांची गरज आहे. अशा सदस्याला थेरपी रूममध्ये घेऊन जायचं आहे आणि या टास्कसाठी ईशा अंकिताची निवड करते. या दरम्यान त्यांच्यात जोरदार भांडण होतं.
यापुढे ‘बिग बॉस’ या टास्कसाठी अंकिताचे नाव घेतात, तेव्हा ईशा तिला घेऊन थेरपी रूमकडे जाते. यादरम्यान ईशा अंकितावर वारंवार विनंती करूनही बाथरूम साफ करत नाही. तसेच ती घरातील कामे न करता दुसऱ्यांच्या भांडणात नाक खुपसत असल्याचा आरोप करते. थेरपी रूममध्ये जाताच ईशा अंकिताला असे म्हणते की, “तुम्हाला स्वच्छतेकडे लक्ष देण्याची गरज आहे. तु तुझे कपडेदेखील अनेक दिवस उचलून ठेवत नाहीस. ते असेच पडलेले असतात. तुम्हाला काही बोललं तर पटकन रागही येतो.” यावर अंकितादेखील “तु स्वत:ला स्वच्छतेची देवी समजत असशील तर मग तूच कामे कर. मी या कामाबाबत काही अनुभवी नाही.” असं म्हणते. दरम्यान यावरून त्यांच्यात जोरदार भांडण होत असल्याचे या व्हिडीओमध्ये दिसत आहे.
आणखी वाचा – ओरीनेच सांगून टाकलं ‘बिग बॉस १७’चा विजेता कोण होणार?, खुलासा करत म्हणाला, “त्याच्यामध्ये काहीतरी…”
गेला आठवडाभर अरुण महाशेट्टी, मन्नारा चोप्रा, अनुराग डोवाल, रिंकू धवन, खानझादी, विकी जैन, नील भट्ट आणि अंकिता लोखंडे यांच्यात नॉमिनेशनमुळे वाद होताना दिसत आहे. अशातच अंकिता व ईशा यांच्या भांडणाची भर पडली आहे. त्यामुळे या टास्कदरम्यान त्यांच्यातील हा वाद आणखी चिघळणार की दोघींपैकी कुणी माघार घेणार? याची प्रेक्षकांना उत्सुकता लागली आहे.