Bigg Boss 17 Latest News : ‘बिग बॉस १७’ या शोमधील टीव्ही अभिनेत्री अंकिता लोखंडे नेहमीच कोणत्या ना कोणत्या कारणामुळे चर्चेत असते. पती विकी जैनसह अंकिताने ‘बिग बॉस’च्या घरात प्रवेश केल्यापासून ती तिच्या वैयक्तिक आयुष्याबद्दल अनेक खुलासे करताना दिसली. अशातच अंकिताने पुन्हा एकदा तिचा एक्स बॉयफ्रेंड सुशांत सिंग राजपूतबाबत खुलासा केला आहे. अंकिता लोखंडेने ‘बिग बॉस’च्या घरात आल्यापासून तिचा एक्स बॉयफ्रेंड सुशांत सिंग राजपूतची बरेचदा आठवण काढली. हल्लीच अभिनेत्रीने सुशांतच्या मृत्यूबाबत खुलासा केला. अंकिताने सांगितले की, सुशांतच्या मृत्यूनंतर अनेक लोक माझ्याबद्दल वाईट बोलले होते त्यामुळे मी त्यांना ब्लॉक केले.
अंकिता लोखंडेने मुन्नवर फारुकीशी बोलताना खुलासा केला की, सुशांतचा शेवटचा फोटो पाहून मी उद्ध्वस्त झाले होते. अभिनेत्री म्हणाली, “माझ्यासाठी तो खूप कठीण काळ होता. हे सर्व घडले तेव्हा मी त्याच्या आयुष्यात नव्हते. जेव्हा मी त्याचा शेवटचा फोटो पाहिला तेव्हा तो झोपला आहे असं मला वाटलं. मी फक्त फोटो पाहत राहिले. तेव्हा मला वाटले की, त्याच्या मनात बरेच काही आहे. माझे हात पाय थंड पडले होते. मी त्याला चांगलं ओळखत होते” असंही तो म्हणाला.
यावेळी बोलताना अंकिताने सुशांतची मॅनेजर दिशा सालियनचाही उल्लेख केला. खरंतर मुनव्वरने अंकिताला विचारले की, सुशांतच्या मृत्यूनंतर काही दिवसांनी त्याच्या मॅनेजरचाही मृत्यू झाला? यावर प्रतिक्रिया देताना अभिनेत्री म्हणाली, “नाही, मॅनेजरचा मृत्यू होण्यापूर्वीच त्याचा मृत्यू झाला होता. ती सुशांतची मॅनेजर नव्हती”. आता अंकिताच्या तोंडून निघालेल्या दिशा सालियनबद्दलच्या या वक्तव्याचे नेटकरी वेगवेगळ्या प्रकारे अर्थ लावत आहेत.
अंकिता लोखंडेने यापुढे सांगितले की, “२०१६ मध्ये तिचे ब्रेकअप झाले होते आणि हा काळ तिच्यासाठी खूप कठीण होता”. याशिवाय अभिनेत्रीने सुशांतच्या कुटुंबाचे कौतुक करत म्हटलं की, “त्यांचे कुटुंब बिहारच आहे. त्याची एक बहीण अमेरिकेत तर दुसरी चंदीगडमध्ये राहते. तर वडील पाटणा व दिल्लीत राहतात. त्यांचं अतिशय सुशिक्षित कुटुंब आहे.तसेच ते अतिशय हुशार लोक आहेत” असंही ती म्हणाली.
