मराठी मालिकाविश्वातील प्रसिद्ध जोडी म्हणजे अभिनेता हार्दिक जोशी व अभिनेत्री अक्षया देवधर. ‘तुझ्यात जीव रंगला’ या लोकप्रिय मालिकेतून हे दोघं प्रेक्षकांच्या घराघरात पोहोचले. या जोडप्याने मालिकेत उत्तम अभिनय करत प्रेक्षकांची मनं जिंकली. प्रेक्षकांना ही जोडी ऑनस्क्रीन जेवढी आवडली तितकीच ती ऑफस्क्रीनही लोकप्रिय ठरली. या जोडीचा वेगळा चाहतावर्ग आहे. मालिका संपल्यानंतर या दोघांनी एकमेकांसोबत संपूर्ण आयुष्य घालवण्याचा निर्णय घेतला आणि काही दिवसातच साखरपुडा उरकला. २०२२ वर्षाच्या शेवटी दोघे विवाहबंधनात अडकले आणि एकमेकांचे जीवनसाथी झाले. त्यांच्या लग्नसमारंभाचे फोटो सोशल मीडियावर बरेच व्हायरल झाले होते. ही जोडी सोशल मीडियावर बरीच सक्रिय असते. ते बरेच फोटो, व्हिडिओ शेअर करत असतात. नुकतंच अक्षयाने शेअर केलेले फोटो बरेच व्हायरल झाले आहेत.(Akshaya deodhar first mangalagaur)
अक्षयाची लग्नानंतरची पहिलीच मंगळागौर साजरी झाली. त्यानिमित्त हार्दिकच्या घरी जोरदार तयारी केली गेली होती. याचा व्हिडिओ अक्षयाने इन्स्टाग्रामवर शेअर केला होता. त्यात तिच्या हातांना मेहंदी लावली होती. अक्षयाने तिच्या पहिल्या मंगळागौरचे फोटो सोशल मीडियावर शेअर करत त्यांना ‘मंगळागौर पूजन’ असं कॅप्शन दिलं आहे. तिने या सोहळ्यासाठी सुंदर अशी सोनेरी रंगाची साडी नेसली होती.
वाचा – कसा होता अक्षयाचा लूक?(Akshaya deodhar first mangalagaur)
मंगळागौरनिमित्त अक्षया पारंपारीक पेहरावात पाहायला मिळाली. सोनेरी रंगाची साडी, साडीला साजेसे दागिने, हातात बांगड्या व हार्दिकच्या नावाची मेहंदी असा साज-श्रुंगारात ती शोभून दिसत होती. हार्दिकनेही बायकोच्या साडीला साजेसा मॅचिंग सदरा घातला होता. अक्षयाने सोशल मीडियावर शेअर केलेले हे फोटो बरेच व्हायरल होत आहेत. या फोटोंमध्ये दोघेही पूजा करताना दिसत आहेत. सजावटीत मागे शंकराच्या पिंडीची प्रतिमा दिसत असून त्याला मंदिराचं स्वरूप दिलं आहे.
चाहत्यांनी फोटोजवर लाईक व कमेंट करत कौतुकाचा वर्षाव केला आहे. एका नेटकऱ्याने ‘माझी फेमस जोडी… राणा दा, अंजली वहिनी साहेब…’ म्हणत कमेंट केली. तर दुसऱ्या नेटकऱ्याने ‘BEST BEAUTIFUL COUPLE IN THE WORLD’ म्हणत त्यांच्या जोडीला जगातील सुंदर जोडीचा टॅग दिला आहे.
