‘अप्पी आमची कलेक्टर’ या मालिकेमधून प्रेक्षकांच्या भेटीला येणारा अभिनेता म्हणजे रोहित परशुराम. या मालिकेत रोहित अर्जुन ही भूमिका साकारत आहे. नुकतीच ‘अप्पी आमची कलेक्टर’ या मालिकेने लीप घेतली आहे. त्यामुळे मालिकेला रंजक वळण आले आहे. या मालिकेतून अर्जुन या पात्राला चांगलीच लोकप्रियता मिळाली. आपल्या अभिनयाने चर्चेत राहणारा हा अभिनेता सोशल मीडियावरही तितकाच सक्रिय असतो. सोशल मीडियावर तो त्याचे अनेक फोटो व व्हिडिओ शेअर करत असतो.
रोहित हा अभिनेता असण्याबरोबरच बॉडी बिल्डरही आहे. त्यामुळे तो त्याच्या अनेक स्टायलिश फोटोसह बॉडी बिल्डिंगचे फोटोही शेअर करत असतो. त्याचबरोबर तो त्याच्या पत्नीबरोबरचे काही खास फोटोही शेअर करत असतो. रोहितच्या या प्रवासात त्याच्याबरोबर असणारी एक खास व्यक्ती म्हणजे त्याची पत्नी. “माझ्या लग्नानंतरच्या आयुष्याची शिल्पकार माझी बायको पूजा आहे” असं मत त्याने अनेकदा व्यक्त केलं आहे.
रोहित परशुरामच्या पत्नीचे नाव पूजा लक्ष्मण आव्हाड असं आहे. एक मॉडेल म्हणून ती सर्वश्रुत आहे. पूजा मुळची नाशिकची असून तिने पुण्यात शिक्षण घेतले आहे. तिला सुरुवातीपासूनच मॉडलिंगमध्ये रस होता. त्यामुळे तिने याच क्षेत्रात करिअर करण्याचा निर्णय घेतला. यात तिने अनेक स्पर्धांमहदये भाग घेत पारतोषिकेही जिंकली आहेत. २०१८च्या ‘मिस्टर इंडिया वर्ल्ड वाईड’च्या अंतिम फेरीपर्यंतही मजल मारली होती.
याचसह ती सोशल मीडियावरही चांगलीच चर्चेत असते. सोशल मीडियावर ती तिचे अनेक स्टायलिश फोटो शेअर करत असते आणि तिच्या या फोटोंना चाहत्यांकडूनही उत्तम प्रतिसाद मिळत आहे. तिच्या अनेक फोटोला लाईक्स व कमेंट्स करत तिच्या फोटोला प्रतिसाद देतात. तिचे फोटोही एखाद्या अभिनेत्रीच्या सौंदर्याला लाजवतील असे आहेत.