मनोरंजन क्षेत्रामध्ये संदीप पाठक हा एक लोकप्रिय अभिनेता आहे. तो आतापर्यंत अनेक मालिका, चित्रपटांमध्ये दिसून आला आहे. त्याने आतापर्यंत वेगवेगळ्या धाटणीच्या भूमिका साकारल्या आहेत. अभिनयाबरोरबच तो सोशल मीडियावर देखील मोठ्या प्रमाणात सक्रिय असतो. तो अनेक फोटो व व्हिडीओ आपल्या चाहत्यांबरोबर शेअर करत असतो. नुकताच त्याने सोशल मिडियावर एक व्हिडीओ शेअर केला आहे. तो आता मोठ्या प्रमाणात व्हायरल होत आहे. तसेच या व्हिडीओवर अनेक चाहत्यांनी प्रतिक्रिया देखील दिल्या आहेत. (sandeep pathak instagram post)
संदीपने त्याच्या इन्स्टाग्रामवरुन एक व्हिडीओ शेअर केला आहे. या पोस्टमध्ये ८५ वर्षांचे आजोबा दिसत आहेत. यामध्ये तो या आजोबांचे कौतुक करताना दिसत आहे. या व्हिडीओमध्ये तो आजोबांशी संवाद साधताना दिसत आहे. यामध्ये तो आजोबांना म्हणाला की, “मी धाराशीवला ‘वऱ्हाड निघालंय लंडनला’ या नाटकाच्या प्रयोगासाठी आम्ही जात आहोत. पण तुम्हाला काठी टेकताना पाहून चालताना पाहिले. तुम्ही इतके वाकून का चालत आहात? तुम्हाला काही झालं आहे का?”, त्यावर आजोबा उत्तर देताना म्हणाले की, “माझ्या अंगावरुन दोन वेळा बैलगाडी गेली आणि एका टमटमनेदेखील टक्कर मारली आहे”.
त्यानंतर संदीपने हा व्हिडीओ शेअर करत लिहिले की, “प्रवासात ८५ वर्षांचे आजोबा भेटले. दोन वेळा अंगावरुन बैलगाडी गेली आणि त्यानंतर टमटमनेही धडक दिली. तरीही जगण्याची उमेद व इच्छाशक्ती कायम आहे. या वयातदेखील आजोबांनी शेतीकडे दुर्लक्ष केले नाही. अशी माणसं मला जगण्याची प्रेरणा देतात आणि मला जगण्याकडे सकारात्मकतेने बघायला शिकवतात. आजोबा, तुम्हाला उत्तम आरोग्य लाभो”.
त्याने शेअर केलेल्या व्हिडीओवर त्याच्या अनेक चाहत्यांनी प्रतिक्रियादेखील दिल्या आहेत. एका चाहत्याने लिहिले आहे की, “माणूस हा जमिनीवरच शोभून दिसतो संदीप दादा तुम्ही मन जिंकल”, दुसरा चाहता लिहितो की, “सर तुम्ही अशाच सकारात्मक स्टोरी आमच्यासमोर आणत असता. ते आम्हाला खूप भारी वाटतं”. संदीप नेहमी वृद्धांना मदत करताना दिसतो.
