अभिनेत्री अंकिता लोखंडे ही सध्या ‘स्वातंत्र्यवीर सावरकर’ या चित्रपटामुळे अधिक चर्चेत आहे. शुक्रवारी हा चित्रपट प्रेक्षकांच्या भेटीला आल्यापासून प्रेक्षकांची खूप पसंती या चित्रपटाला मिळत आहे. या चित्रपटामध्ये अंकितादेखील महत्त्वाच्या भूमिकेत पाहायला मिळत आहे. तिने या चित्रपटात सावरकरांची पत्नी यमुनाबाईंची भूमिका साकारत आहे. पण आता ती तिच्या अभिनयामुळे नाही तर एका व्हिडीओमुळे चर्चेत आली आहे. हा व्हिडीओ सोशल मीडियावर प्रचंड व्हायरल होत आहे. (ankita lokhande angry )
सदर व्हिडीओ हा चित्रपटाच्या स्क्रिनिंगदरम्यानचा हा व्हिडीओ आहे. या स्क्रिनिंगसाठी ‘बिग बॉस’ सीजन १७ चे सदस्य अभिषेक कुमार, खानजादी व आयेशा खान हे सहभागी झाले होते. त्यावेळी पापाराझींची अधिक गर्दी असल्याने चालण्यासाठी समस्या येत होत्या. त्यामुळे तेथे असलेल्या पापाराझींवर भडकताना दिसत आहे. त्यावेळी ती पापाराझींवर ओरडून म्हणाली की, “हे बरोबर नाही. तुम्ही बाहेर जा. सिनेमा सुरु आहे. थोडी शांतता ठेवा, जरा नीट वागा ”. तिचा हा व्हिडीओ सोशल मीडियावर चांगलाच व्हायरल झाला असून नेटकऱ्यांनी अनेक प्रतिक्रिया दिल्या आहेत.
या व्हिडीओवर एक नेटकरी म्हणत आहे की, “हिचा चित्रपट बॉयकॉट करा”, दुसरा नेटकरी लिहितो की, “आम्हाला देखील या लोकांचा असाच राग येतो”, तिसरा नेटकरी लिहितो की, “ही स्वतःला कोण समजते?”, तर काही नेटकऱ्यांनी तिची बाजू घेत म्हंटले आहे की, “अंकिता बरोबर बोलत आहे”.
चित्रपट प्रदर्शित होण्याच्या एक दिवस आधी स्पेशल स्क्रिनिंग ठेवण्यात आले होते. यासाठी तिची सासू देखील उपस्थित होत्या. त्यांना पाहूनदेखील पापाराझींनी विचारले की, “सुनेचा चित्रपट कसा वाटला?”, त्यावर त्या म्हणाल्या की, “आधी मला हा चित्रपट पाहून तर येऊदे”, अंकिता नेहमी छान वाटते. आमची अंकिता ए वन आहे. या चित्रपटामध्ये देखील अशीच दिसली असेल”. अशा प्रकारे अंकिताची सासू तिचे कौतुक करताना दिसत आहे. दरम्यान अंकिताच्या चित्रपटाला प्रेक्षकांनी खूप पसंती दर्शवली आहे. तिच्याबरोबर या चित्रपटात अभिनेता रणदीप हुड्डा सावरकरांच्या मुख्य भूमिकेत पाहायला मिळणार आहे.