मराठी सिनेसृष्टीत ९० च्या दशकातील एक मराठमोळी जोडी जी आजही तितकीच प्रसिद्ध आहे ती म्हणजे नारकर कपल. अभिनेता अविनाश नारकर व अभिनेत्री ऐश्वर्या नारकर यांनी अगदी ९०च्या दशकापासून आजपर्यंत आपल्या सौंदर्याने व फिटनेसने सगळ्यांना वेड लावलं आहे. सध्या अविनाश ‘सन मराठी’ वरील ‘कन्यादान’ या मालिकेत दिसत आहे. तर ऐश्वर्या नारकर ‘झी मराठी’ वाहिनीवरील ‘सातव्या मुलीची सातवी मुलगी’ या मालिकेत झळकत आहे. रुपेरी पडदा गाजवल्यानंतर वास्ताविक आयुष्यात हे कपल सगळ्यांचेच फेवरेट आहे. ही जोडी नेहमी सोशल मीडियावर सक्रिय असते. या कपलचे सोशल मीडियावर बरेच चाहते आहेत.(Narakar couple new workout video)
नेहमी नवनवीन रील्स, फोटो शेअर करत ते चाहत्यांच मनोरंजन करत असतात. डान्सच्या रिल्ससह ते वर्कआऊट करतानाचे व्हिडीओही सोशल मीडिआवर शेअर करत असतात. बऱ्याचदा या व्हिडीओमुळे ट्रोलही होत असतात. पण तरीही त्यांचा सोशल मीडियावरील वावर काही कमी झालेला नाही. उलट अशाप्रकारचे रिल्स ते सोशल मीडियावर शेअर करत असतात. अशीच एक रील त्यांनी सोशल मीडियावर शेअर केली आहे. सध्या ती सोशल मीडियावर बरीच व्हायरल होत आहे. ज्यामुळे त्यांच्या फिटनेसच्या चर्चेने सोशल मीडियीवर बराच जोर धरला आहे.
या रील सगळ्यांच लक्ष वेधून घेतलं आहे. या व्हिडीओमध्ये नारकर कपल व्यायाम करताना दिसत आहेत. विविध व्यायामचे प्रकार त्यांनी केलेत. तरुण पिढीलाही लाजवेल एवढं दोघांमधील समन्वय दिसत आहे. त्यांच्यासाठी वय हा फक्त आकडा असल्याचं त्यांनी या व्हिडीओतून दाखवून दिलं.
व्हिडीओवर नेटकऱ्यांनी कमेंट, लाईक करत एव्हरग्रीन कपलचं कौतुक केलं आहे. मराठी सिनेसृष्टीतील कलाकारांनीदेखील कमेंटचा वर्षाव केला. अभिनेत्री स्मिता शेवाळेने टाळ्यांचा गजर करत व्हिडिओवर कमेंट केली. अभिनेत्री रुपल नंद हीने ‘ओह माय गॉड’ म्हणत व्हिडीओवर कमेंट केला. नेटकरीदेखील त्यांच्या फिटनेसची व वर्कआऊटची बरीच प्रशंसा करताना दिसत आहेत.