सध्या हिंदी कार्यक्रम ‘लाफ्टर शेफ’ खूप चर्चेत आहे. या कार्यक्रमाला विनोदाचा तडका असल्याने प्रेक्षकांचे चांगलीच पसंती मिळताना दिसत आहे. यामध्ये निया शर्मा, करण कुंद्रा, कृष्णा अभिषेक, कश्मिरा, अंकिता लोखंडे, विकी जैन असे अनेक कलाकार सहभागी असलेले दिसून येत आहेत. या शोचा नवीन प्रोमो प्रेक्षकांच्या भेटीला आला आहे. यामध्ये अंकिता पोटात दुखत असल्याचे बोलत आहे. पण अनेक जण तिला यावरुन बोलताना दिसत आहेत. तसेच गरोदरपणाची सर्व लक्षणे दिसून येत असल्याचेदेखील म्हणत आहेत. यामध्ये ‘बिग बॉस 17’ चा विजेता मुनव्वर फारुकीची पाहुणा म्हणून उपस्थिती असणार आहे. (munawar faruqui on ankita lokhande)
या कार्यक्रमाचा एक व्हिडीओ समोर आला आहे. यामध्ये विकी व अंकिता दिसून येत आहेत. त्यावेळी विकी तिला विचारतो की, “काय झालं?”, त्यावर अंकिता उत्तर देते की, “माझ्या पोटात दुखत आहे”, तिचं दुखणं बघून इतर सगळे एकत्र येतात. तेव्हा मुनव्वर तिथे येतो आणि म्हणतो की, “चक्कर येऊन पडली? गोड बातमी आहे?”, त्यावेळी अली गोनी मस्करी करताना म्हणतो की, “हिचे पाय इतर लोकांच्या तुलनेत अंकिताचे पाय जास्त जड वाटत आहेत”.
याशिवाय अर्जुन बिजलांनी, भारती सिंह, रीम शेख व इतर लोक याबद्दल बोलताना दिसत आहेत. तसेच विकीनेदेखील अंकिताच्या कपाळावर किस केले आहे. तसेच कृष्णादेखील चिडवत म्हणाला की, “विकी लवकरच बाबा होणार आहे”. मात्र यासगळ्यावर अंकिता व विकी यांनी काहीही प्रतिक्रिया दिली नाही. तसेच प्रोमो बघून हे प्रकरण उगाच ताणून फक्त मजा घेत आहेत असंदेखील बोललं जात आहे.
दरम्यान आतापर्यंत अनेक दिग्गज कलाकार ‘लाफ्टर शेफ’मध्ये उपस्थित राहिले आहेत. यामध्ये वाणी कपूर, अक्षय कुमार, श्रद्धा कपूर, कंगना रणौत, फरदीन खानसहित अनेक कलाकार पाहुणे म्हणून उपस्थित होते. यामध्ये आता अली गोनी-राहुल वैद्य, करण कुंद्रा-अर्जुन बिजलानी, निया शर्मा-सुदेश लहरी, अंकिता लोखंडे-विककी जैन, रीम शेख व जन्नत जुबेर यांच्या जोड्या आहेत.
