मराठी मालिका चित्रपटांमधून प्रेक्षकांचं भरभरून मनोरंजन करणारी अभिनेत्री शिवानी सुवे लग्नबंधनात अडकली. ३१ जानेवारी रोजी तिचा शाही लग्न सोहळा पार पडला आहे. या लग्न सोहळ्याचे अनेक फोटो व व्हिडीओ सोशल मीडियावर व्हायरल झाले असून याद्वारे त्यांच्या शाही लग्न सोहळ्याची झलक पाहायला मिळाली आहे. अभिनेत्री शिवानी सुर्वे ही अभिनेता अजिंक्य ननावरे याच्यासोबत लग्नबंधनात अडकली आहे.
शिवानी-अजिंक्य यांच्या या शाही लग्नसोहळ्याला मनोरंजन विश्वातील अनेक कलाकारांनी हजेरी लावली होती. ठाण्यातील ‘येऊर हिल्स’ या ठिकाणी शिवानी-अजिंक्य यांचा हा विवाहसोहळा पार पडला आहे. त्यांच्या या लग्न सोहळ्यासाठी खास शाही थाटमादेखील पाहायला मिळत आहे. शिवानी-अजिंक्यच्या या लग्नात ‘बिग बॉस’ची टीमही सहभागी झाली होती. मेघा धाडे, माधव देवचक्के, नेहा शितोळे, आरोह वेलणकर यांची खास उपस्थिती होती.
आणखी वाचा – शिवानी सुर्वेचं मंगळसूत्र इतर अभिनेत्रींपेक्षा आहे फारच युनिक, डिझाइनने वेधलं लक्ष, खास फोटो व्हायरल
यावेळी शिवानी-अजिंक्य यांची रेशीमगाठ अभिनेत्री मेघा धाडेने बांधली. याचे काही खास क्षण मेघाने तिच्या सोशल मीडियाद्वारे शेअर केले आहेत. “बांधते ही रेशीमगाठ, अक्षता आणि मंगलाष्टका सात, दोनाचे होणार आता चार हात, दोन जीव गुंतणार एकमेकांत” असं कॅप्शन देत मेघाने शिवानी-अजिंक्यची रेशीमगाठ बांधतानाचे फोटो शेअर केले आहेत.
आणखी वाचा – मोठा निर्णय! अभिनय क्षेत्राला रामराम करत थलपती विजयची राजकारणात एण्ट्री, स्वत:च्या पक्षाची केली स्थापना
दरम्यान, बिग बॉस मराठी मध्ये शिवानी व मेघा यांनी सहभाग घेतला होता. या शोपासून सुरू झालेली त्यांची ही मैत्री अजूनही कायम आहे. तसेच शिवानीच्या लग्नात मेघाचा पुढाकार पाहून चाहत्यांनीही तिचे कौतुक केले आहे. तसेच शिवानी-अजिंक्य यांना त्यांच्या वैवाहिक आयुष्यासाठी शुभेच्छा दिल्या आहेत.