छोट्या पडद्यावरील ‘कन्यादान’ या मालिकेतून घराघरांत पोहोचलेली अभिनेत्री म्हणजे अमृता बने. मालिकेत वृंदा ही भूमिका साकारत तिने प्रेक्षकांचे मनोरंजन केले आहे. मालिकेतील तिच्या भूमिकेला प्रेक्षकांकडून चांगलाच प्रतिसाद मिळत आहे. या मालिकेत तिच्याबरोबर अभिनेता शुभंकर एकबोटे हादेखील आहे. मालिकेतील ही रील जोडी त्यांच्या रिअल आयुष्यातही आता एकत्र आली आहे. अमृता व शुभंकरने सोशल मीडियावर खास पोस्ट शेअर करत त्यांच्या नात्याविषयी सांगितले. अमृता व शुभंकर हे दोघे लवकरच विवाहबंधनात अडकणार आहेत. काही दिवसांपूर्वीच त्यांचा साखरपुडा पार पडला. या साखरपुड्याचे फोटो सोशल मीडियावर मोठ्या प्रमाणात व्हायरल झाले होते.
अशातच लग्नाअगोदर नुकतीच अमृताची ‘Bride To Be’ पार्टी पार पडली. अमृताच्या काही जवळच्या मित्रमैत्रिणींनी या पार्टीचे आयोजन केले होते. अमृताची ही Bride To Be पार्टी एका निसर्गरम्य ठिकाणी पार पडली आहे. या पार्टीसाठी अमृताने निळ्या रंगाचा शॉर्ट ड्रेस परिधान केला होता. तसेच भिंतीवर फुग्यांनी छान डेकोरेशनही केले असल्याचे या फोटोंमध्ये पाहायला मिळत आहे. या पार्टीचे काही क्षण अमृताने तिच्या सोशल मीडियाद्वारे शेअर केले आहेत.
अमृताने तिच्या इन्स्टाग्रामद्वारे हे खास फोटो पोस्ट करत असे म्हटले आहे की, “मी बंधनात अडकत असले तरी आम्ही एकमेकांना भेटण्याचे, योजना बनवण्याचे, चिडवण्याचे, आणखी आठवणी निर्माण करण्याचे आणि बरेच काही करण्याचे वचन दिले आहे. माझ्या काही जवळच्या व्यक्तींसह पुन्हा एक नवीन अध्याय सुरु होत आहे.”
आणखी वाचा – “आपल्या शूजची साईज…”, आदेश बांदेकरांना वाढदिवसानिमित्त लेकाने दिल्या खास शुभेच्छा, म्हणाला “माझ्या मनाची…”
अमृताच्या या Bride To Be पार्टीचे फोटो सध्या सोशल मीडियावर व्हायरल होत असून या फोटोला चाहत्यांनी लाईक्स व कमेंट्सद्वारे चांगलाच प्रतिसाद दिला आहे. दरम्यान, अमृता आणि शुभंकरची पहिली भेट ‘कन्यादान’ या मालिकेच्या सेटवरच झाली होती. हळूहळू त्यांच्या मैत्री झाली व मैत्रीचे रुपांतर प्रेमात. आता लवकरच दोघे लग्नाच्या बेडीत अडकणार आहेत.
