अभिनेता पियुष रानडे व सुरुची अडारकर यांच्या लग्नाच्या बातमीने साऱ्यांनाच आश्चर्याचा धक्का बसला. दोघांच्या लग्नातील फोटो सोशल मीडियावर वाऱ्यासारखे पसरले. सुरुची व पियुषच्या शाही लग्नसोहळ्याचे फोटो साऱ्यांच्या पसंतीस उतरले. अगदी पारंपरिक अंदाजात त्यांनी हा विवाहसोहळा उरकला आहे. लग्नासाठी सुरुची व पियुष यांचा खास लूक पाहणं रंजक ठरलं. दोघंही लग्नानंतरचं आयुष्य मजेत जगताना पाहायला मिळत आहेत. (Piyush Ranade and Suruchi Adarkar Makarsankrant)
सुरुची अडारकरचं हे पहिलं लग्न आहे तर पियुष रानडेचं हे तिसरं लग्न आहे. याआधी पियुषची दोन्ही लग्न असफल ठरली आहेत. सुरुची व पियुष लग्नानंतरचं त्यांचं आयुष्य एन्जॉय करताना दिसत आहेत. काही दिवसांपूर्वीच सुरुची व पियुष त्यांच्या कामाच्या व्यस्त श्येड्युलमधून वेळात वेळ काढत दोन दिवसासाठी फिरायला गेल्याच समोर आलं. फिरून आल्यावर दोघेही कामाला लागले आहेत. आज संक्रांत असून सुरुची व पियुष यांची लग्नानंतरची ही पहिली संक्रांत आहे.
यंदाची संक्रांत पियुषसाठी खूप वेगळी व स्पेशल आहे याबाबत नुकत्याच दिलेल्या ‘इट्स मज्जा’च्या मुलाखतीत त्याने भाष्य केलं आहे. यावेळी बोलताना पियुष म्हणाला, “ती पण शूट करत आहे आणि मी पण शूट करत आहे. आमची संक्रांत खूप चांगली आहे कारण आम्ही दोघेही काम करत आहोत. जेव्हा आम्ही एकत्र येतो तेव्हा आमच्यासाठी कोणताच सण हा त्या दिवसापुरता मर्यादित नाही आहे. रोज संक्रांत, रोज दिवाळी आहे, रोज होळी आहे, रोज व्हॅलेंटाईन डे आहे. आता आपल्या प्रमाणे त्या त्या दिवसाला त्या त्या सणाचे महत्त्व दिलं आहे. एक जोडी म्हणून वा मित्र-मैत्रीण म्हणून आम्ही रोजचा दिवस हा सणासारखाच साजरा करतो” असं तो म्हणाला.
पियुष सध्या ‘काव्यांजली’ या मालिकेत मुख्य भूमिकेत पाहायला मिळत आहे. तर सुरुचीने “सातव्या मुलीची सातवी मुलगी” या मालिकेतून छोट्या पडद्यावर कमबॅक केलं आहे. लग्नानंतर सुरुचीसाठी मालिकेची आलेली ही ऑफर सुवर्णसंधी आहे.