मराठी नाटक, मालिका व चित्रपट अशा तिन्ही मध्यमांत काम करत आपल्या अभिनयाने प्रेक्षकांना अचंबित करणारा अभिनेता म्हणजे संकर्षण कऱ्हाडे. संकर्षणने आजवर अनेक चित्रपटांतून त्याच्या अभिनयाची छाप सोडली आहे. मात्र जी मराठी वाहिनी वरील माझी तुझी रेशीमगाठ या मालिकेतून चांगलाच नावरूपाला आला. लॉकडाऊनच्या काळात त्याने लिहिलेल्या कवितांमुळे व सादरीकरणांमुळे तर तो चांगलाच प्रसिद्ध झाला. याच लॉकडाऊनच्या काळात त्याने अभिनेत्री व कवयित्री स्पृहा जोशीबरोबर कवितांचे अनेक ऑनलाइन कार्यक्रम केले. आणि यातूनच संकर्षण व्हाया स्पृहा या कवितांच्या कार्यक्रमाचा जन्म झाला. (Sankarshan Karhade On Instagram)
संकर्षण व स्पृहा हे दोघेही एक उत्तम कलाकार, एक उत्तम कवी व कवयित्री म्हणून चांगलेच लोकप्रिय आहेत. त्यांच्या कवितांचे असंख्य चाहते आहेत. संकर्षण व स्पृहा यांच्या कवितांची ख्याती केवळ भारतातच नाही तर भारताबाहेर परदेशातही आहे. त्याचदरम्यान या कार्यक्रमाचे सध्या महाराष्ट्रात काही प्रयोग चालू आहेत. नुकताच या कार्यक्रमाचा परभणीमध्ये प्रयोग झाला होता. तेव्हा फटाक्यांची आतिषबाजी अन् सनई चौघड्यांच्या स्वरात संकर्षण व स्पृहा यांचे स्वागत करण्यात आले.
आणखी वाचा – ‘बॉइज’ चित्रपट फेम अभिनेता करणार दिग्दर्शनात पदार्पण, ‘या’ नाटकाद्वारे नव्या इनिंगला सुरुवात
अभिनेता संकर्षण हा सोशल मीडियावर चांगलाच सक्रिय असतो. सोशल मीडियावर तो त्याचे अनेक फोटो व व्हिडीओ शेअर करत चाहत्यांच्या संप्रकात राहत असतो. सोशल मीडियावर तो त्याच्या कविता, किस्से, किंवा काही अनुभव वगैरे शेअर करत असतो. त्याच्या या पोस्टला नेटकऱ्यांकडूनदेखील चांगलाच प्रतिसाद मिळतो. सध्या रंगभूमीवर संकर्षणचे ‘संकर्षण व्हाया स्पृहा’, ‘तू म्हणशील तसं’ आणि ‘नियम व अटी लागू’ असे तीन नाटकं चालू आहेत आणि या तिन्ही नाटकांना प्रेक्षकांकडूनदेखील हाऊसफूल प्रतिसाद मिळत आहे.
अशातच आता परभणीनंतर संकर्षण नांदेडमध्ये गेला आहे. नांदेडमध्ये जाताच अभिनेत्याने सकाळी नांदेडमधील गुरूद्वाराचे दर्शन घेतलं आणि त्यांतर पंजाबी धाब्यावर लस्सी, आलू का परांठावर ताव मारला. दरम्यान गुरुद्वारामधील दर्शन घेतानाचे व लस्सी अन् आलू का पराठावर ताव मारतानाचे काही क्षण त्याने सोशल मीडियादवाफरे शेअर केले आहेत. यावेळी त्याच्याबरोबर त्याचे काही सहकरीदेखील होते. दरम्यान या फोटोला नेटकऱ्यांनी लाईक्स व कमेंट्सद्वारे चांगलाच प्रतिसाद दिला आहे.
