नाटक, मालिका, चित्रपट या तीनही क्षेत्रात काम करून लोकप्रियतेच्या शिखरावर पोहोचलेला अभिनेता म्हणजे संकर्षण कऱ्हाडे. अभिनय क्षेत्रामुळे संकर्षण कऱ्हाडेला ओळख मिळाली असली तरी तो त्याच्या कवी मनाच्या स्वभावामुळे विशेष लोकप्रिय आहे. संकर्षणने त्याच्या कवितांमधून स्वतःचा असा चाहतावर्ग निर्माण केला आहे. संकर्षण उत्तम कवी, अभिनेता आहेच शिवाय तो उत्तम निवेदकही आहे. विविध कार्यक्रमांचे निवेदन करताना तो दिसतो. (Sankarshan Karhade Post)
संकर्षण सध्या नाटकविश्वात बऱ्यापैकी सक्रिय असल्याचं पाहायला मिळतंय. सिनेक्षेत्रात मुशाफिरी करत असलेला संकर्षण सोशल मीडियावर देखील सक्रीय असतो. संकर्षण त्याच्या नवीन नवीन कामा संदर्भातील पोस्ट सोशल मीडियावर शेअर करत असतो, तसाच तो वैचारिक, काही मजेशीर तर कधी सामाजिक घडामोडींवर आधारीत पोस्टही शेअर करत असतो. शिवाय संकर्षण नेहमीच त्याच्या परदेश दौऱ्यादरम्यान आलेले अनुभवही सोशल मीडियाद्वारे शेअर करत असतो.
अशातच संकर्षणची सोशल मीडियावरील एक पोस्ट विशेष लक्षवेधी ठरतेय. तू म्हणशील तसं या नाटकाच्या दौऱ्यानिमित्त संकर्षण सध्या कोल्हापूर दौरा करण्यात व्यस्त आहे. बरं, यावेळी त्याने कोल्हापूरात कोल्हापूरच्या फेमस मिसळीचा आनंद लुटला आहे. कोल्हापूर येथे कोल्हापुरी मिसळ हा पदार्थ स्पेशल असून अनेकजण तिथे गेल्यावर मिसळीचा आनंद लुटतात. हा आनंद लुटण्याचा मोह अभिनेता संकर्षण कऱ्हाडेला ही आवरला नाही.
संकर्षणने याबाबतची पोस्ट शेअर करत, “कोल्हापूरातल्या मिसळीला मी म्हणलं, खाऊ का तुला? तुला पाहिलं की होतंय बघ कसं कसं, मिसळ म्हणाली, खा बाबा एकदाचा ‘तूम्हणशीलतसं'” असं म्हणत छान अशी कविता केली आहे. कोल्हापूरच्या मिसळीचं व संकर्षणच्या नाटकाचं अचूक समीकरण जुळवत त्याने केलेली ही खास पोस्ट साऱ्या रसिक प्रेक्षकांच्या नजरा वळवून घेत आहे.